رمضان عبد المعز: في ناس بيبعتوا رسايل لبعض وهما بيصلوا.. فيديو

استنكر الشيخ رمضان عبدالمعز، الداعية الإسلامي، بعض تصرفات المصلين خلال الصلاة، قائلا:" الناس بتصلي بطريقة عجيبة، فبيبقى واقف يصلي وهو عمال يعدل هدومه ويظبط نفسه، وهو بيصلي".

تحيا مصر

وأضاف الشيخ رمضان عبدالمعز خلال حلقة اليوم من برنامجه "لعلهم يفقهون" المذاع على قناة "دي إم سي"، مساء الأحد، :" لو خشع قلبك وأنت تصلي  لخشعت كل جوارحك، معقا:"بعض الناس تشعر وهو يصلون وكأنه بيفرك وحركته زائدة".

رمضان عبدالمعز:بقينا نعمل ألغاز دلوقتي واحنا بنصلي

وتابع الشيخ رمضان عبدالمعز:"بقينا نعمل ألغاز دلوقتي واحنا بنصلي، الأم عندما تريد من ابنها أمرا ما وهي تصلي تقول بصوت مرتفع وهي في الصلاة الله أكبر، فالإبن  يجي يقولها إيه يا ماما في حاجة على البوتجاز".

 وأكمل:" كون الشخص يريد أن يوصل رسالة لمن حوله وهو في قلب الصلاة، هذه أزمة كبيرة، معقبا:"انتوا عارفين يعني إيه نقف بين إيدين ربنا، يعني تخليك معاه هو بس بكل جوارحك".

وفي السيا عينه، أكد الداعية الإسلامي رمضان عبدالمعز، أن صلاة السكران لا تجوز ولا تقبل، قائلا :"هناك صلاة تركها فرض وهي صلاة السكران".

وأضاف الداعية الإسلامي رمضان عبد المعز، :" لما أشوف واحد سكران داخل الجامع أقول لأ يا برنس رايح فين مينفعش تصلي وأنت سكران لا يجوز".

وتابع:"وهناك صلاة بالطول والعرض وهي التي صلاها النبي يونس في بطن الحوت، وصلاة بين السماء و الأرض وصلاها سيدنا سليمان على بساط الريح وصلاة في السماء والأرض وصلاها سيدنا محمد في السماء ليلة المعراض وفي الأض".

وشدد الشيخ رمضان عبدالمعز، الداعية الإسلامى، على ضرورة أداء الصلاة في وقتها والالتزام بها، قائلا:" المؤمن هو من يؤدى الصلاة، لأنها هى الفلاح".

وتابع :" لازم نعلم الأبناء الصلاة، لأنها صلة بالله، وتعطى الخير ومفتاح السعادة، مستشهدا بقول الله تعالى: "وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى ".

رمضان عبدالمعز: مفيش سعادة دون صلاة

وأكمل: "يا ابنى يا بنتى، مش عاوزين منكم حاجة، إحنا عاوزين أنا عايز أدلك على طريق الخير، عايزينك تحيا حياة طيبة وتهنأ وترغد برغد العيش، يا ابنى مش عاوزينك مكتئب ولا خايف ولا عندك هلع، يا ابنى هتستر وترحم بالصلاة، والنجاة يوم القيامة بالصلاة، هتنال الخير كله والسعادة بالصلاة، معقبا:" أنتم فاهمين الموضوع غلط مفيش سعادة من غير صلاة". 

وأكمل: "الأنبياء كلهم كانوا بيصلوا، سيدنا موسى وسيدنا عيسى كان مباركا فى المهد، كل الأبنياء ربنا وأوصاهم بالصلاة وجعلهم مباركين، كل حاجة بالصلاة بيكون فيها بركة".