مصطفى كامل: عمرو مصطفى كان بيروح الاستديو مخصوص عشان يشوف الهضبة واللي بيسمعوا ويجز عبط

خرج الفنان مصطفى كامل ليكشف رأيه في بعض نجوم الفن، مهاجما بعض النجوم امثال المطرب والملحن عمرو مصطفى ومطرب الراب الشهير ويجز، وذلك خلال حلوله ضيفا على برنامج “حبر سري”، الذي تقدمه الإعلامية أسماء ابراهيم على قناة القاهرة والناس.

تحيا مصر يرصد في ذلك التقرير تصريحات مصطفى كامل في القاهرة والناس

مصطفى كامل يفتح النار على عمرو مصطفى بسبب الهضبة

هاجم مصطفى كامل الملحن عمرو مصطفى وذلك بعد عرض فيديو له خلال البرنامج يهاجم خلال عمرو دياب، فقال: “مش عايزة أقول لفظ وحش، نكران الجميل وحش وده نكران للجميل، عمرو مصطفى ناكر جميل عمرو دياب وكلام ميصحش يقوله وكنت واخد عهد على نفسي اني متطرقش لـ عمرو مصطفى وممكن أرد عليه رد أبقى تريند وأقول مين ده، أنا كنت بشوفك بتيجي الإستديو عشان مجرد تشوف عمرو دياب”.

مصطفى كامل عن ويجز: “اللي بيسمعوه عبط ومهاطيل وصوته ميتقيمش”

وعن ويجز وأسعار تذاكره، فقال مصطفى كامل: “ربنا يخلي العبط والمهاطيل اللي بيحضرو حفلاته، ويجز مش عجبني ولا يمكن يعجبني أنا بسمع وبشوف وفي مطربين مهرجانات أصواتهم حلوة لكن ويجز ده أنا مش بفهم كلامهم وصوته ميتقيمش”.

وتابع حديثه عن أغاني الراب، قائلا: مبحبش فن الراب عشان مبحسهوش فن دا فن إلقاء كلام وجمهوره مش أنا خالص.

وتطرق مصطفى كامل بالحديث عن أكثر النجوم ظلما لنفسه، موضحا: “فارس ظلم نفسه هو نجم جميل وقمر وصديقي لغاية النهاردة ونفسي يرجع لأنه فيه كل مقاومات النجم الكبير”.

أخر أعمال مصطفى كامل

من ناحية أخرى، كانت أخر اعمال الفنان مصطفى كامل اغنية بعنوان “زرعة خايبة” من كلمات وألحان مصطفى كامل، توزيع ماستر كلو ليكس، وجاءت كلماتها: "يالــلــى ديـمــا تـغـلـطـو فـي غـيـبـتــى اوعـــــو بــــــس تـــغـــركـــم طـيـبـتـي.. كـــــــل عــالــه اتعــال واتــمـــنـظــر بـكــره جـــــاى عـــلـى حجرى بطريقتى يالــلــى يـامــا فـــي ظـــهـرى بـتـلـكـو وبــتـــرغـــــــو وتــــهــــرو وتــــعـــكـو
والـلـي يـســـمـع اســمــى يــتــــزرزر والــلــي ســـــيـرتــى الحــلـوه بـتـشـكـه.. خــلـو سـيـرتى سايبه ناركـم ولعه قايده خــــــــلو القـسـوه والعداوة بـنـا ذايـــده.. خــلـو سـيـرتى سايبه ناركـم ولعه قايده خــــــــلو القـسـوه والعداوة بـنـا ذايـــده.. شــاهـد عـلـيـنـا ربــنــا وسلمت امرى ما انــا عملت الخير كتير ومجاش بفايده.. انتو نـــــاس ولا لــيـــكــــــم لازمـه فــــــي حيــاتــى وجـودكـم كــان ازمه انـــــــا ديمــــا كـنـت مـنـكـم حـريـص.. نــــاس فـــالـصــو لـديـور ولا جوتـشى وتـمـنـكـم يـــــدوب تــــمـن كـــوتــشـى.. تــــايــوانــى م الـــلــى سـعـره رخيص.. انـــــتــــــو نـــاس م الاســـــــاس زرعـــه خــايــبــه وعــايـــــــزه فــاس.. اشـــيــل جــدورها وح ألغى دورهـا واخـتــــار حـبـيـبـى دهب وماس".