مصطفى كامل عن أول قرار له على كرسي النقابة: "هكنس الفساد وعندي اثباتات مسجلة بيه"

حل الفنان مصطفى كامل، ضيفا على برنامج “حبر سري” ، الذي تقدمه الإعلامية أسماء ابراهيم على قناة القاهرة والناس، والذي تحدث بها عن سبب ترشحه لمنصب نقيب المهن الموسيقية بعد استقالة الفنان هاني شاكر.

تحيا مصر يرصد في ذلك التقرير تصريحات مصطفى كامل عن منصيب نقيب الموسيقيين

مصطفى كامل: الناس اللي بيدفعوني أكون نقيب بس أنا لسة متردد.. وهكنس الفساد

أعرب مصطفى كامل عن تردده من اتخاذ قرار لتولي كرسي نقابة المهن الموسيقية، فقال: “في قرارت عملية أنا متردد فيها لغاية دلوقتي والناس بتشجعني بس هو لسة شاغلي بالي، مش انا اللي منتظر أكون نقيب الناس هي اللي بتدفعني ليه بحب وأنا لسة متردد”.

مصطفى كامل: هكنس النقابة من الفساد وعندي اثبات بيه

وتابع حديثه، قائلا: “واخد قرار إني اكون مع فني وبيتي وعارف ان المنصب مشاكله أكتر وداخل على معركة شريفة وهي اللي مخلياني أستجيب لنداء الناس لأنه بيحتموا فيا، وهدفي أسعد ناس وأعملهم حاجة حلوة”.

وعن أول قرار من المقرر أن يأخذه المصطفى كامل عن أول قرار له على كرسي النقابة: “هكنس الفساد وعندي اثباتات مسجلة بالفساد ده”.

مصطفى كامل: كان فيه ناس غير هاني شاكر بتدير النقابة

وكانت قد فجر مصطفى كامل جملة تصريحات جريئة في الجزء الألول من البرنامج، اذ قال: "سعيد الارتيست مهاجمش هاني شاكر ..ابتدى يتقال أن فيه شبوهات كلنا عارفينها، والمؤتمر اتعمل عشان سعيد يسأل النقيب ازاي حسن شاكوش خد التصريح وأنت مش موجود.. سعيد من كتر احترامه للفنان هاني شاكر مش عايز يقوله أن فيها حاجة مش مظبوطة".

وتابع مصطفى كامل قائلًا: "وسعيد مغلطش بس الغلطة الكبيرة أن أستاذ هاني شاكر كان المفروض في حاجة زي كدا لو فرضنا أن هيرجع في قرارك كان جابهم ووفق بينهم بشكل مقفول.. كل الكلام بيقول أن فيه ناس غير الفنان هاني شاكر كانت هي اللي بتدير النقابة، وفيه واحد وكيل النقابة كان واخد الختم من استاذ هاني ومفوضه يمضي عنه ودا ميصحش، يعني أنا لو أخويا في النقابة مينفعش أديله الختم".