عمرو أديب ينتقد زيارة محمد رمضان للإسكندرية: الفن مش بالغصب.. مش حابينك هم حرين

أعرب الإعلامي عمرو أديب عن غضبه من تصرف الفنان محمد رمضان بعد حملة مقطاعة حفه بالإسكندرية، والذي قام بسببها بالنزول إلى كل مناطق الإسكندرية بدون حراسة، ما أدى إلى تكدس السكان حوله.

تحيا مصر يرصد في ذلك التقرير تعليق عمرو اديب على زيارة محمد رمضان لـ الإسكندرية

عمرو اديب يهاجم محمد رمضان

وقال عمرو أديب خلال برنامجه “الحكاية”، المذاع عبر قناة mbc: “شئ غريب، البعض مش حابك حقهم هم حرين، اللي حصل دا أمر عشوائي وبدائي لا يصلح أبدًا.. هو الفن بالغصب؟ هو ينفع حد يجي يقولك متجيش وأنت تيجي! تخيل لو حصل خناقة امبارح بين الناس اللي بتحب محمد رمضان والناس اللي مبتحبهوش، لو كان في حد مات هيبقى في رقبة مين! هو في فن بالمعلقة أنا بوريك اهو انا جامد، عمر ما شوفنا أم كلثوم نزلت.. ارجو أن الامر يوقف لحد كده”.

محمد رمضان يتحدى جمهور الإسكندرية بعد حملة مقاطعة حفلة

وكان قد تحدى محمد رمضان مروجي حملة مقاطعة حفله بالإسكندرية، بالنزول إلى  مناطقها بدون حراس، اذ قال خلال فيديو نشره عبر حسابه الشخصي بموقع تبادل الصور والفيديوهات انستجرام: "السيد محافظ الشرقية السابق بيدعم حملة اسكندرية لا ترحب بيك يا محمد رمضان، والجرايد الرسمية المصرية بتدعم حملة اسكندرية لا ترحب بيك يا محمد رمضان، والشركة المنظمة للحفلة بايعة 70% من التذاكر مع إن الحلفة كمان 17 يوم، ولسه بدري".

وتابع محمد رمضان حديثه: "حلو يا سيادة المحافظ، انا اتقالي اسكندرية لا ترحب بيك يا محمد رمضان، هقوم البس دلوقتي وانزل اسكندرية وربنا يقدرني وادخل كل منطقة في اسكندرية النهاردة اتأكد، عشان سيادتك لما الشعب بيطلب حاجة هتعمل زيي النهاردة وتنزل الشارع، وتسأل الغلابة تقولهم انتوا فعلًا زعلانين من ده ولا لأ؟، انا سمعت ان اسكندرية لا ترحب بيك، وانت بتدعم الحملة، أنا نازل اسكندرية دلوقتي على رجلي، من غير بني أدم حراسة".

أخر أعمال محمد رمضان

من ناحية أخرى، كانت أخر أعمال الفنان محمد رمضان طرحه لـ أغنيته الجديدة “دوشة”، والتي حققت ملايين المشاهدات منذ طرحها عبر موقع الفيديوهات الشهير يوتيوب، اذ وصلت حتى الأن إلى ما يقرب من 8 ملايين مشاهدة.