قالت اوعي تنسيني.. عفاف شعيب تكشف وصية شويكار وهذا رأيها في تريند "الست مش ملزمة"

حرصت الفنانة عفاف شعيب الحديث عن اخر لحظات في حياة الفنانة الرحلة شويكار، مؤكدة أنها توفت بعد حرصها الشديد على المواظبة على الصلاة، لذلك هي تشعر بالراحة لأجلها.

تحيا مصر يرصد في ذلك التقرير اللحظات الأخيرة في حياة شويكار

عفاف شعيب تكشف اللحظات الأخيرة في حياة شويكار

كشفت عفاف شعيب عن اخر مكالمة جمعتها بالفنانة الراحلة شويكار، طليقة الفنان فؤاد المهندس، قبل وفاتها، فقالت: "اخر مكالمة بيني وبين شويكار كان بتقولي فيها اوعي تنسيني وتأكد عليه، وكانت قبل ما تموت بفترة لازم تصلي الفجر وتنام لحد ما بقت مواظبة على الصلاة قبل واتصلت بيا قالتلي أنا مرتاحة نفسيا عشان كدة حساني مطمنة عليها".

عفاف شعيب تكشف عن رأيها في تريند عدم الزام المرأة: عمرنا ما شوفنا الحاجات دي

وتطرقت عفاف شعيب خلال لقائها ببرنامج كلام الناس المذاع على قناة mbc مصر وتقدمه الإعلامية ياسمين عز: فين غريزة الأمومة لو مكنش الطفل يرضع من أمه هيحبها ازاي لازم يكون فيه حنان.. الحجات دي غريبة علينا إحنا عارفين ان الراجل ليه حقوق والست ليها حقوق انتي مش بتخدمي راجل إنت بتخدمي حياتك، الراجل سند البيت ومتقدريش تستغنه عنه.

واضافت: في ستات كويسة جدا بتخاف على بيوتها وبتحابي عليهم ومش كل الرجالة كويسين في اليومين دول ناس صعبة جدا.

وتابعت عفاف شعيب كاشف عن ما تعلمته من والدها ووالدتها، قائلة: جدتي مشوفتهاش لكن أمي كانت بتنقل كل حاجة عن أمها، أمي وأبويا علموني القيم والأخلاق والصراحة والوضوح وعدم الكذب.

عفاف شعيب والشائعات

وتحدث عفاف شعيب عن الشائعات التي تعرضت لها منذ بداية دخولها الوسط الفني، فقالت: في بداية حياتي الفنية اختاروني أعمل دور لبني في قيس ولبني، وفي أول يوم تصوير طلعوا عليا إشاعة اني وشي وحش وأدائي مش حلو والمسلسل نجح وكسر الدنيا ودي كانت البداية الحقيقة، وأنا مش بهتم بالأشعات عشان متعبش نفسيا وصحيا.

وتابعت حديثها كاشفة عن الفنانات في جيلها وفنانات الوقت الحالي، قائلة: كنا أدب وأخلاق وإحترام ومكنش فيه حد بيكره حد دلوقتي في كره وبيخبوا ده فمتعرفيش مين بيكره مين.

وأضافت: صحابي أصبحوا محدودين جدا وكان ليا صحاب بعدد طوب الأرض لكن دلوقتي خالص، كانو بيأدوني ويقولوني وبيتجسسوا عليا في بيتي ومش من حق حد يتدخل في حياتي الخاصة، بقالي فترة طويلة بعيدة عن صدقات الوسط عشان عايزة أقابل ربنا وهو راضي عليا ويرزقني حسن الخاتمة.