أحمد عبد الله محمود: ماظنش أني هتجوز حد من الوسط الفني

أكد الفنان أحمد عبد الله محمود على أنه لن يتزوج من فتاة داخل الوسط الفني لأنه يغار على أهل بيته بشكل كبير، ويتمنى أن يرتبط بفتاة يكون هو كل حياتها.

تحيا مصر يرصد تفاصيل أبرز تصريحات الفنان أحمد عبد الله محمود في برنامج الستات ميعرفوش يكدبوا

حيث قال الفنان أحمد عبد الله محمود أثناء لقائه ببرنامج "الستات ميعرفوش يكدبوا": "أنا راجل شرقي أوي واكتشفت أني صعيدي أوي زي أبويا، بغيير على أهل بيتي أوي وبحب أكون راجل ليه احترامه لكن مش مسيطر، وماظنش أني هتجوز حد من الوسط الفني لأني مش هسيب نفسي أروح للحتة دي، عايز واحدة يكون أحمد هو حياتها".

أحمد عبد الله محمود: أنا مش رومانسي

ومن ناحية أخرى، كشف أحمد عبد الله محمود أنه شخص غير رومانسي إطلاقا ولكنه يعبر عن حبه للطرف الآخر بشكل مختلف، حيث قال لـ برنامج الستات ميعرفوش يكدبوا: "أنا جلنف في الحب شوية اللي هو "بحبك يا بت".. يعني حاجات كدا.. أنا مبعرفش أكون رومانسي وعندي مشكلة في حتة أن أنا جامد حتى في الحب ومبعرفش أسبل بس بعبر بطريقة تانية.. وبحكم شغلي ببقى عارف ايه الجمال الحقيقي وايه التركيب".

وتابع حديثه قائلًا: "الستات لو عايزين يكدبوا هيعرفوا.. الستات مفيش حاجة مش بيعرفوا يعملوها، وهما بالنسبالي لغز، بس لغز حلو لأنه طول الوقت محير وطول الوقت أنت متحمس أنك تفهمه وتبقى كداب لو قولت فهمت".

أخر أعمال أحمد عبد الله محمود

ومن الجدير بالذكر أن أخر أعمال الفنان أحمد عبد الله محمود فيلم "كيرة والجن" الذي تم طرحه في دور العرض ضمن منافسة موسم عيد الأضحى الماضي يوم 30 من شهر يونيو، وكانت تدور أحداثه في إطار درامي تشويقي حول مجموعة أشخاص يشكلون تنظيم سري لمقاومة الاحتلال الإنجليزي.

ويشارك في بطولة الفيلم عدد كبير من النجوم والنجمات منهم: كريم عبد العزيز، أحمد عز، هند صبري، سيد رجب، أحمد مالك، رزان جمال، سلوى عثمان، تامر نبيل، أحمد عبد الله محمود، وغيرهم، والفيلم من تأليف أحمد مراد، وإخراج مروان حامد.