عمرو أديب لـ مروجي شائعة مرض الزعيم: "متوحشين ومستكترين عليه الهدوء"

خرج الإعلامي عمرو أديب ليهاجم مروجي شائعة إصابة الزعيم عادل إمام بالزهايمر التي انتشرت في الأيام القليلة الماضية بعدما خرج الإعلامي محمد الباز وربط عدم ظهوره ف الساحة في الفنية في الفترة الأخيرة بإصابته بهذا المرض، وتعمد أسرته إخفاءه.

تحيا مصر يرصد في ذلك التقرير تعليق عمرو أديب على شائعة إصابة الزعيم بالزهايمر

عمرو أديب: ليه مش عايزين الناس تعيش في سلام

قال عمرو أديب خلال لقائه مع برنامج et بالعربي، عند سؤاله عن الزعيم: "احنا ليه مش عايزين الناس تبقى في سلام.. انت مش هتبقى متضايق لو مشيت في الشارع وقولت أن ابوك عيان وبيموت وكدة، وانت مش تحت الأضواء، اي حد بيبقى باباها عيان بيطلع يقول الحمدلله بخير وكويس، دا عادل إمام يجماعة دا الزعيم".

عمرو أديب: توحش وناس مستكترين على الزعيم الفرحة

وتابع أديب حديثه، غاضبا: انتو عايزين منه ايه، دا مش إطمئنان دا فضول قاتل، وأغلب الهاشتاجات تشفية وكل التيارات الدينية اللي بتكره عادل امام تفشت فيه، وما صدقوا.. الراجل اللي اسعدكوا كلكم مستكترين عليه  يبقى كويس ومبسوط وهادي في حياته، دا اسمه توحش الناس بقت متوحشه سيبوا الناس في سلام.

واختتم عمرو أديب حديقه، موجها رسالة للمطالبين بظهور الزعيم شخصيا للاطمئنان على حالته: هو الراجل ده شغال عندكم، الراجل لي أهل وليه حياة ليه زوجة وليه أولاد دا ما يستحقش منكم انك تكرموه وتحترموا حياته الشخصية، سيبوه في حاله يجماعة هو مش عايز حد يشوفه في الصورة غير اللي هو رسمها للجمهور.

محمد الباز يثير الجدل حول الزعيم

من ناحية اخرى، كان قد أثار محمد الباز الجدل في الأيام القليلة الماضية حول الزعيم عادل ٱمام بعدما خرج ليصرح في برنامجه التليفزيوني بإصابة الفنان بالزهايمر وانه لن يعود للتمثيل لأن حالته الصحية لا تسمح بهذا، مشيرا إلى أنه أخذ تلك التصريحات على لسان أحد أقارب الزعيم والذين يجلسون معه بشكل مستمر.

واضاف: عادل إمام ليس ملك عائلته فقط  وإنما ملك الجمهور، وأتمنى أن يتوقف الجدل، عادل إمام أسعد الملايين، وأنا قلت إنه هيدخل الجنة بدون حساب، لأن ربنا هيكافئ الناس اللي أسعدوا الناس، مطالبا أسرة الفنان الكبير بأن يخرجوا ويوضحوا للجمهور حقيقة الأمر.