مهندس يقرر إنهاء حياته بسبب فجور زوجته|تفاصيل القصة التي أشعلت السوشيال ميديا

"أتحبست بسبب مراتي 6 شهور، وأتهمتني في قضية شروع في قتل عشان أداري علي خيانتها ليا".. بتلك الكلمات روي المهندس عبر السوشيال ميديا لـ طبيب نفسي عن المعاناة التي عاشها بسبب زوجتة عديمة الرحمة والمشاعر، حيث وصل به الأمر في النهاية لمحاولته إنهاء حياته . 

بالفيديو| أسماء والدها عايز ينام معاها على السرير ويعاشرها معاشرة الأزوج وطلعها بقميص النوم في الشارع..قصة مأساوية

حمايا بيحسس على جسمي| تقى: طليقي بيهددني بـ مية نار وهينشر صوري على المواقع الإباحية في المطرية..فيديو

أتجوزت مراتي من 2008 وعندنا ولد وبنت 

بدأ المهندس حديثه عبر السوشيال ميديا:"أنا مهندس مدني ومتجوز مراتي من 2008 وعندنا ولد وبنت، كنت شغال في شركة كبيرة وظروفنا كانت كويسة، لحد من كام سنة الشركة صفت مهندسين كتيرة، وقعدت 4 شهور من غير شغل، لحد ما اتقبلت في شركة تانية لكن المرتب كان ضعيف جدا وبالتالي حالنا مرجعش زي الأول".

لما الحال أتغير مراتي كمان أتغيرت 

وتابع المهندس عبر السوشيال ميديا :"مراتي في الوقت اللي ظروفي فيه أتغيرت بدأت هي كمان تتغير وتقولي كلام كتير يوجع القلب، أني زي العواطلية ومش مكفيهم، وأنا عشان خاطر ولادي كنت بلم الدور، لحد ما جت في يوم طلبت الطلاق، وانا طلبت منها أننا نعمل قعدة مع أهلي واهلها ونحط النقط علي الحروف". 

 هزقتني قدام أهلي

وأستكمل المهندس عبر السوشيال ميديا:"و بالفعل قعدنا العيلتين مع بعض وأهلها سألوني" أية اللي مزعلك من بنتنا؟"،وانا إحتراماً ليهم قولتلهم"شوفوا بنتكم عايزة أية وانا اللي في مقدوري هعمله"، لكن هي بادرت بالكلام وقالتلي"أنت طالما مش راجل ومش قد أنك تفتح بيت فتحته ليه من الأول؟"، وبعد كلامها ده قام أخوها ضربها، وأنا حوشته عنها وقولتله"دي مراتي وعلي ذمتي وملكش أنك تضربها"، وهو قالي": مراتك متربتش وحطت راسنا في الطين".

خانتني علي النت وكشفت جسمها للرجالة 

وأضاف المهندس عبر السوشيال ميديا:"بعد القعدة دي قررنا ندي فرصة تاني لنفسنا عشان ولادنا، لكن لما رجعنا بدأت أشك أن فيها حاجة متغيرة وبقيت كأنها عايشة معايا مغصوبة، كذا مرة أدخل الاقيها حاطة مكياج و تمسحه بسرعة لما تشوفني وتدخل الأوضة وتقفل علي نفسها الباب، وفي مرة دخلت عليها و لقيتها ارتبكت والتليفون وقع من أيديها وكان النص الفوقاني عندها عريان، جريت علي برا وأنا جريت مسكت التليفون، لقيتها بتكلم شاب علي  النت وباعتاله صور جسمها، روحت بالتليفون عند أخوها اللي ساكن جنبي، وقولتله أختك بتخوني وتليفونها أهو وخليها تيجي عشان تفتحه وتشوف بنفسك".

عرفت تبرأ نفسها من عملتها بمساعدة عشيقها 

وأستطرد المهندس عبر السوشيال ميديا :"في الوقت ده لقيتها جت هي كمان عند بيت أخوها وبالفعل فتحت التليفون وكانت مسحت كل الرسايل والصور، بمساعدة عشيقها اللي كلمته من تليفون أرضي و طلبت منه يمسح كل حاجة من عنده، عشان تطلعني أنا اللي وحش قدام أخوها وظالمها".

أتحبست 6 شهور وبيعت اللي ورايا واللي قدامي 

وأختتم المهندس عبر السوشيال ميديا :"بعد الموقف ده عملتلي محضر تعدي ومحضر شروع في قتل، ورفعت دعوي وأتطلقت، وعملت كمان محضر تمكين للمسكن ومحضر تبديد عفش، أتحبست 6 شهور بسببها، وبعت اللي ورايا واللي قدامي في التعويضات والمحاكم اللي ملهاش اخر، وسابتلي العيال عشان أشيل مسؤوليتهم لوحدي بعد ما كرهتهم فيا"، ثم أختتم المهندس حديثه" أنا حياتي أتدمرت"