مفيدة شيحة: الراجل لازم يكون حنش وميظهرش عواطفه ورقته للست.. فيديو

عرضت الإعلامية مفيدة شيحة، بعض الأسئلة والتحذيرات المتداول خلال الساعات الماضية عبر السوشيال ميديا، والتي تقول :" الرجل الحنين ريسك ولا رزق!".

تحيا مصر

وأضافت مفيدة شيحة، خلال حلقة اليوم من برنامجها "الستات"، المذاع على قناة النهار، : "الخوف من حكاية الرجل الحنين أنه يكون حنان كاذب  وتكون دي مش حقيقته".

وتابعت: "إزاي هنعرف الراجل الحنين إنه حنين فعلا وصادق في حنانه و إحنا  في مجتمع بيربي الراجل أنه لازم يكون خشن وجامد وحنش وميظهرش عواطفه ورقته للست".

مفيدة شيحة: خافي من الراجل الحنين

وأكملت:" نعرف الراجل صادق إزاي في حنانه وإحنا في مجتمع بيقول للراجل مينفعش تكون لطيف علطول مع الست عشان تحترمك وتعملك ألف حساب".

وواصلت: " هنقابل رجالة وهتلاقي رجالة من جواهم حنينين وطيبين حقيقي، لكن بيظهروا عكس دا، على الرغم من إن عشرتهم طيبة وكلهم أصول وولاد ناس وبيصونوا الست اللي معاهم".

وأكملت:"لكن اللي بيظهر الحنيه عمال على بطال دا يقلق بصراحه، أو مش جذاب  ولازم يتخاف منه، معقبة:" جوزك لو دلعك زيادة خافي منه".

وفي وقت سابق، نصحت الإعلامية مفيدة شيحة، النساء بضرورة أن تحافظ على أن يكون لديها عمل ومصدر دخل، قائلة: كل ست وكل بنت لازم تركز إن يكون ليها أي شغلانة ولو حتى مشروع صغير في معرض.

مفيدة شيحة: جوزك لما يدلعك لازم تقلقي

وقالت مفيدة شيحة، خلال برنامج "الستات"، المذاع على فضائية "النهار"، موجهة حديثها للنساء، العمل مهم جدا لاستقرارك النفسي ولازم تحسي إنك شخص مستقل لأن الاستقلالية تجعل المرأة قادرة على اجتياز أي أزمة تمر بها.

وتابعت موجهة نصائحها للنساء: "إحنا مش ضامنين الظروف والحياة هتكون ازاي ومش ضامنين نتجوز ونكمل ومش ضامنين بعد الطلاق الحياة هتكون عاملة ازاي ولكن الضمان هو أن تكون المرأة مستقلة ماديا وعصبيا ونفسيا".

واستطردت: الشغل مش بس فلوس ولكنه هو كيان ويضيف لاسمك والشغل هو أهم شىء في حياتك دا اللي هيعملم كيان وشخصية الكل يحترمها".

وأكدت مفيدة شيحة، أن هناك ثقافة مجتمعية تحاول أن تجعل المرأة تأخذ خطوات للخلف وهو أمر غير مناسب وغير لائق بنا بعد القوة التي اكتسبتها المرأة مؤخرا.