كل المطربين الموجودين على قدهم وآمال ماهر أخطبوط صوت.. أبرز تصريحات حسن فؤاد

حل المطرب حسن فؤاد، ضيف في برنامج “عيش سعيد” المعروض على شاشة قناة Etc tv، ويقدمة كلًا من: إيهاب صالح، وسها رضا، ولينا صالح، وتحدث عن رأيه في التحديثات الجديدة بمجال الغناء.

تحيا مصر يرصد لكم تصريحات حسن فؤاد ببرنامج "عيش سعيد"

أبرز تصريحات حسن فؤاد 

- كل اللي موجودين دلوقتي موهبتهم على قدهم

- مفيش حد في الساحة اقول عليه مطرب واحطه جنب على الحجار، ومحمد الحلو بإستثناء بهاء سلطان

-احمد سعد ليه طريقة غنا كدا ممكن متريحنيش انا شخصيا بس تريحك انت

- لما تجيب حد وتحطه في غنوة درامية بالذات مش اي حد هيعرف يقولها

- بدليل ايام ما انا طلعت مكنش حد يجرأ يمشي جنب محمد الحلو، وعلي الحجار

- لما انا دخلت بقى في سيل دخل بعدي هشام عباس وخالد عجاج كله دخل لان البرواز اتفتح

- اهم المطربين الموجودين بهاء سلطان وبتعجبني اختيارات تامر عاشور 

- محمد محي ملك الإحساس في حته

- الأصوات الحلوة معدودة الأصوات اللي تعيشك في حته تانية 

- الأصوات اللي تنقلك في حالة  وتقولي عليها الله اي الجمال ده ولكن مش كتير
- شيرين عبد الوهاب طبعًا وامال ماهر

- امال ماهر اتولدت على ايدي انا وعمار 

- كانت بتلعب على الأرض وصغيرة جدًا عمار قالي تعالا اسمعك حاجة

- كان عمار مسجل لها اغاني لأم كلثوم وقالي هسمعك صوت لسه هنقدمه الفترة الجاية

- سمعني وقولت له ايه ده مفيش حد يغني زيها غير ام كلثوم

- قالي يا حسن البنت تقف أدام الميكرفون بتحول تبقى حد تاني

- وطبعًا أنغام وجمالها بس لما تقول معلم غنا يبقى امال ماهر

- آمال ماهر أخطبوط صوت مرعب صوتها متمكن وتقدر تقول كل الألوان

معلومات عن حسن فؤاد

وحسن فؤاد مطرب مصري، اسمه الكامل “حسن فؤاد محمد إسماعيل”، ولد في أبو قتادة بمحافظة الجيزة في عام 1968، التحق بقسم اﻷصوات بالمعهد العالي للموسيقى العربية في عام 1989. 

عرف فؤاد من خلال مشاركته بالغناء في أوبريت “اخترناك” وتترات مسلسل “أرابيسك” ومسلسل “الوتد” الذي شارك أيضًا فيه بالتمثيل.