عمر كمال: أنا مليونير وانفصلت عن خطيبتي لهذا السبب

فجر مطرب المهرجانات عمر كمال عدد من التصريحات النارية خلال حلوله ضيفًا على إحدى البرامج.

ويرصدها تحيا مصر خلال السطور التالية:

أبرز تصريحات عمر كمال 

• عمرو دياب أهم فنان في مصر

• انفصلت عن خطيبتي لأن في نقط مش متفقين فيها مع بعض

• مقارنتي بحسن شاكوش وحمو بيكا كانت بتزعجني، لكن دلوقت مفيش مقارنة بينا

• هاني شاكر اسم محترم وكان وجهة مشرفة للنقابة.. هو مش على الكرسي لكن بحبه جدًا

• أنا مليونير

• اتهامي بتدمير الفن والذوق العام غير صحيح

• بنت الجيران خلتني في حتة تانية

• علاقتنا مع شاكوش وبيكا اختلفت بسبب وجهات نظر في الشغل.. ولكن مش بسبب الشهرة والفلوس والغيرة

• اشتغلت وظائف كثيرة غريبة في بدايتي.. كنت شغال في فرن عيش بلدي شغلانة مكنتش شبهي خالص، بس اشتغلتها لأن يوميتها كانت حلوة

• حرمانية الفن بتكون حسب استخدام الفنان له، وحسب سلوك الفنان وتأثيره على الناس زي السكينة، يا تقطعي بيها لحمة وتديها للفقراء، يا تموتي بيها حد.. وأنا ربنا أعلم بيا، وبحاول أكون من الناس الكويسة

أنا مش منافق  وما طلعتش على أكتاف الراقصات

• أغلى هدية جات لي كانت العربية البينتلي

• كنت أتمنى أغنية بالبنط العريض تكون بتاعتي

• حتى الآن ماعنديش موهبة التمثيل.. ومحتاج أشتغل على نفسي

• اللي شايف إني بخيل يثبت

• عمري ما قلدت محمد فؤاد

• أغنية موعود للعندليب تشبه حياتي

• سهرانين أقرب أغاني لقلبي

• أنا أكثر واحد ما بيحبش شكله.. ما بحبش أبص على نفسي.. عارف أني مش أمور

عمر كمال يطرح حلوين

طرح مطرب المهرجانات عمر كمال، أحدث أغانيه "حلوين" مع الفنان عبد الباسط حمودة، على موقع الفيديوهات الشهير يوتيوب وتقول كلماتها: 

كلمات أغنية حلوين

ياااا عيني
إحنا ابسط خلق الله .. واقل نااااس فى الدنيا دي
تعملنا بما يرضى الله .. تكسب قولبنا فى ثانيه
تعمل معاااانا الغلط .. وتفكر انك .. لبط
ع السكه تيجي تتظبط .. وتشوف وشوشنا التانية

مين يرفع عينه فينا ولا يعمل راسه بينا
دا اللى يطنطط علينا متخلقش
فى الدنيا دى لفينا ياما روحنا وياما جينا
ومهما خبط موجها فينا مبنغرقش

مسيكنا الدولارات .. وركيبنا الطيارات
لفينا الدنيا دي .. من غير باسبورات
وصحبنا ولاد ذوات وجملنا ب أولوفات
لا فى يوم مدينا ادينا ولا قولنا لحد هات
لا في يوم مدينا ادينا ولا قولنا لحد هات

حلوين.. “اوى اوى”
طعمين.. “اوى اوى”
حلوين.. “حلوين”
طعمين..
وانا اللى ع الساحه وراكبين

جامدين.. “اوى اوى”
جامديين.. “اوى اوى”.
جامدين..” جامدين”
جامدين.
على وضعنا ديما ثابتين

اسمينا ماركه وصوتنا ترند
متسيطناش عافيه وبالعند
حب الناس هو الاساس
واللى يقول غير كدا م الهند

ماشية معانا علشان سالكين
مبتمشيش غير بس لميين
احنا فى خير علشان نستهلوا
م احنا فى حالنا ومحترمين

بشوات ومسيطرين .. والخزنة مقطعين
وشينا لوحدوا بطاقه .. ميوقفناش كمين
فى قلبه طياريين .. مبيشغلناش بنزين
لا التنك بتاعنا بيفضا .. ولا بنفول 80
لا التنك بتاعنا بيفضا .. ولا بنفول 80

حلويين.. “اوى اوى”.
طعمين..” اوى اوى”
حلويين. “حلوين”.
طعميين
واحنا اللى على الساحه وراكبييين

جامدين.. “اوى اوى”.
جاميين..” اوى اوى”
ياولا. “جامدين”.
جاامديين.
على وضعنا ديماُ ثابتين
حلوين “حلوين”