نهى العمروسي: "مش مهتمة أطلع في البرامج.. وقيمتي أكبر من إني أطلب من حد شغل"

حلت الفنانة نهى العمروسي، ضيفة على برنامج “كلام الناس”، الذي تقدمه الإعلامية ياسمين عز عبر قناة mbc مصر، وذلك لتكشف تفاصيل غيابها عن الساحة الفنية، وسبب عدم ظهورها في البرامج التليفزوينة.

تحيا مصر يرصد في ذلك التقرير سبب غياب نهى العمروسي عن الساحة الفنية 

نهى العمروسي تحرج ياسمين عز على الهواء

تحدثت الفنانة نهى العمروسي في البداية ع سبب غيابها عن الظهور في البرامج، كما أخرجت ياسمين عز بشكل مباشر على الهواء، فقالت: “بهرب من الظهور في البرامج بسبب أعمالي القليلة، ومكنتش عايزة أطلع معاكم ومش مهتمة بصراحة بس المعدة اتحايلت عليا وأصرت وحسيتها هي مهتمة فضحكت عليا بكلمتين”.

نهى العمروسي تكشف سبب غيابها فنيا: أنا قيمة كبيرة  ومش أي عمل فني أقبله

وكشفت نهى العمروسي عن سبب غيابها فنيا، فقالت: “أنا مش مخاصمة الفن هو اللي مخاصمني ومش بجيلي أعمال مناسبة وبرفض الأعمال اللي بتتعرض عليا عشان مش قيمتي”.

وتابعت نهى العمروسي حديثها، فقالت: “أنا مش فارق معايا إن الفن يقدرني” أنا كدة كدة مقدرة نفسي، ومش مستنية الناس تحبني، أنا كنت بعيط الأول أما يجيلي دور أي كلام لكن دلوقتي لا مش بتقهر ولا بتشحتف وعارفة قيمتي لأني قيمة كبيرة".

نهى العمروسي عن سعيها لعمل فني: “قيمتي متسمحليش أطلب شغل من حد الدور اللي لازم يندهلي”

وعن مصدر دخلها وما تقوم به خلال وقت فراغها، فقالت: “مصدر دخلي من عند ربنا والفلوس بتاعة ربنا وبترجع لربنا فمحدش ليه دعوة دولوقتي بستخدم النت بشكل مفيد وبثقف نفسي واتعلمت الرسم وبكتب وبقرأ”، وعن إمكانية طلب عمل من أصدقاء مقربين لها، فأوضحت: “عندي كرامة ومش بقدر أعمل، عملتها زمان وأنا صغيرة وشايفة إن مش قيمتي اني أطلب من حد يشغلني الدور هو اللي لازم يجيلي لحد عندي”.

وعن أكثر الأدوار التي ندمت على المشاركة فيها، فقالت: كان فيه دور قاهرني من جوايا وأما مضيته عيطت وكانت تجربة مؤلمة بالنسبالي ومش فاكرة حتى اسم المسلسل".

من ناحية أخرى، كانت أخر أعمال الفنانة نهى عمروسي مشاركتها في مسلسل الخانكة، إلى جانب الفنانة غادة عبد الرازق والنجم ماجد المصري، والذي تم عرضه في 2019.