عينه على الغلابة.. مصطفى هريدي يكشف مواقف إنسانية للراحل عامر منيب

كشف الفنان مصطفى هريدي العديد من المواقف الإنسانية للراحل عامر منيب، وذلك خلال لقائه ببرنامج الستات ميعرفوش يكدبوا.

تحيا مصر يرصد لكم تصريحات مصطفى هريدي في برنامج الستات ميعرفوش يكدبوا

مصطفى هريدي وعلاقته بعامر منيب

تحدث هريدي عن علاقته وبعض المواقف له مع الراحل عامر منيب، قائلًا: في بداية شغلي مكنش ليا أجر كبير، وعامر منيب سألني وقولتله، وقالي هتكلم مع المنتج واداني ضعف اللي كنت باخده.

وتابع: إنسانيًا هو عنده حب غير طبيعي للناس، عامر حاطط رزمة فلوس في باب العربية دايمًا عينة على الناس الغلابة في الشارع، كان إنسان رائع، ويستاهل ألف رحمة ونور.

 حقيقة اعتزال مصطفى هريدي

وقال الفنان مصطفى هريدي أن الشاعر أيمن بهجت قمر هو السبب في عودته للفن مرة أخرى، وحكي قصة استقراره خارج مصر، قائلًا: بعد أحداث 2011 سافرت في الفترة اللي بين 2012 و2016 المملكة الأردنية الهاشمية وقعدت في عمان، حوالي 4 سنين.

وتابع هريدي: رجعت من عمان في 2016 وشاركت في ليالي الحلمية، 2017 اشتعلت مع أستاذ عادل إمام في عفاريت عدلي علام، واشتغلت مع محمد في عدلي القط، و2018 و2019 مكنتش بشتغل.

وأردف مصطفى هريدي: بعد المسلسلين قولت الأدوار هتبقى كويسة وهتكتر، لكن مكنتش بشتغل واحنا مشكلتنا كممثلين لما بتشتغلي بتبقى عندك طاقة عايز تكمل، وعايز تبقى متواجد وحياة اللوكيشن والزملاء، فلما تقل بتزعل، وبيحدث بينك زعل وبين المهنة بتاعتك.

مصطفى هريدي عن أيمن بهجت قمر

وعن علاقته بالشاعر الغنائي أيمن بهجت قمر، قال: أيمن أخويا وعشرة العمر، اقنعني اجي لأني قعدت 4 سنين برا، وقالي لو قعدت اكتر من كده هتتنسى، والفترة دي حصل فيها تغيير كبير في السوق، وعشان دي شغلتي ومعنديش شغلة تانية غيرها.

ويذكر أن حرص السيناريست أيمن بهجت قمر على توجيه رسالة للجمهور المتعصب لـ كرة القدم، وذلك من خلال حسابه الرسمي بموقع التدوينات القصيرة “تويتر”.

وكتب أيمن بهجت قمر عبر حسابه بموقع تويتر:" نفسى المشجع الشاب يتعلم بهزر ..يغيظ..بس ما يقلش أدبه صدقنى قلة الأدب سهلة بس الهزار برقي أصعب بلاش تفاهة ياشباب وياريت تبقوا مرآه لبيوت  نضيفة وأهالى راقية".