أبيوسف عن مسلسل الليلة وما فيها: بخاف أقرأ تعليقات الجمهور وحضرت جلسات نفسية عشان العمل

كشف مطرب الراب أبيوسف عن كواليس استعداده لخوض أولى تجاربه التمثيلية بمسلسل الليلة واللي فيها.

تحيا مصر يرصد تصريحات أبيوسف عن مسلسل الليلة وما فيها. 

أبيوسف في مسلسل الليلة وما فيها

وقال أبيوسف خلال لقائه مع برنامج ET بالعربي: حضرت جلسات نفسية لمساعدتي في فهم الدور فشخصيتي فيها انفعالات وتفاصيل دقيقة كانت تحدي بالنسبالي.

وتابع: مش بقرأ ردود أفعال سواء كانت كويسة أو وحشة، وبخاف الجمهور يقول حلو أوي فيكون تأثيره عليا بالغرور.. فأنا بحاول أقدم الشخصية على أكمل وجهه، وبسمع آراء والدي والدتي جدًا، وبثق في ردود أفعالهم.

أبطال مسلسل الليلة وما فيها

ويشارك في مسلسل الليلة واللي فيها عدد كبير من الفنانين، منهم: سماح أنور، رشدي الشامي، ومغنيي الراب يوسف وشاهين، وعدد آخر من النجوم، من تأليف محمد رجاء، وإخراج هاني خليفة.

ويتناول المسلسل قصة فتاة تعاني من اضطرابات نفسية، وتتعرض للعديد من المشاكل التي تحاول إيجاد حلول لها

أبيوسف يطرح يح

طرح مطرب الرب أبيوسف عبر قناته الرسمية بموقع يوتيوب تراك جديد يحمل اسم "يح".

كلمات اغنية يح ابيوسف
يح

أوبا أه أوبا ماشي
أوبا أوبا أوبا هاع

طول بالك كُل اللي قبلك فيص
بتعارك في الزمالك وماسك مسدس ميه
أساليبي تعلبية
ما تخافيش ياسطا
الميه اللي في المسدس معدنية
ركز بيج أبيو مش بيأجز
أجل طالبة معايا أنام وأتمدد
في نادي مش مشترك فيه

بشرب من الخلاط
مليش في السمك ياسطا
بس اصتاد مطلقات
لابس دهب بس فالصو
حالق نص دماغي زي رونالدو
جزم بس من ألدو
وبرضو
get him يسطا قلبي جامد
وأرواحي تسعة
لما أمبوسم مبات في الايون كينج
ما نزلتش دمعة
طالع من الاستديو بخلص تراك
يقولو هيت
انزل عادي الأوديو عشان مش فاضي أصور كليب
بكره شكلي في ال Artwork فأنا مش هطلع
release تلاتة الصبح

عشان النت بيبقى أسرع
لابس oversize عشان مش بحب جسمي
فلوس تيجي دليفري
تقول للمنتج اسمي
تشرب قهوة كتير

تعيش وتمطر زي خصمي
بقول you miss me
تقولي kiss me
بس أنا بروفيشنال
فريق العمل يشهد
بقلب ملوخية
فريق العمل يشهق
بتجيبو في سيرتنا كتير
فريق العمل يشرق
فيكش غير البندق
فريق العمل قشرة

هاع أحلامي عليا ليها كلمة
مهما كان الواقع بيقطع قلبي بسكينة تلمة
سيبك انت بوقعكو في كل حتة مافيش بافتة
أديك فاهمها
كل ما أنزل لوحة ليا ألاقيك راسمها
زي ما قالك ترجع يلا تنتدب مين

أنا الخطر قرش في بسين
انت في خطر قرد في السيين
كلها بتراب لأجل App فالتشابه بينا انتشر
محتاجين أنيس عبيد بشدة يترجملنا البشر

قولتلكو ببعت
عمري ما كتبتلكو شعر
بعدي بال scanner عليكو
لسة مش لاقيلكو سعر

اه مش بحتاج أعرف نفسي لما أسلم
بس أعملها anyways لأني معلم
نصرت قالي اكتب على type afro beat
بس موبايلي فصل وما لقتش شاحن type C
قالي تودي دريل قلتله اعتبر الموبايل فتح
أرجو أكون عند حسن ظن الجمهور بستايل نجح

ها ضحكت عليكو جاكيت مارك جي
keeps it fake tho
بس يطلع من عنيكو

في الراب عمري ما اتناقتشت
خلصت تسجيل حد يشيل رجليا من الطشت
يح