ماما بتضحك في البيت وبفكر أمثل.. أبرز تصريحات شاهيستا ابنة انتصار

حلت الفنانة انتصار ضيفة مساء يوم الثلاثاء في برنامج “كلمة أخيرة” الذي تقدمه الإعلامية لميس الحديدي على شاشة تلفزيون قناة “أون”، وفي النصف الثاني من الحلقة انضمت شاهيستا ابنة انتصار للحوار لتتحدث عن تجربتها في مسابقة ملكة جمال المراهقات.

تحيا مصر يرصد أبرز تصريحات شاهيستا ابنة الفنانة انتصار في برنامج “كلمة أخيرة”

أبرز تصريحات شاهيستا ابنة الفنانة انتصار

ـ ممكنتش متوقعة أني أكسب ملكة جمال المراهقات أنا قولت بس أعمل اللي عليا ونشوف النتيجة هتبقى عاملة ايه

ـ أكتر حاجة كانت مفيدة في تجربة مشابقة ملكة جمال المراهقين أن أنا عرفت أن فيه ناس مختلفة في الدنيا أشكال مختلفة وشخصيات مختلفة والثقة بالنفس أكتشفت انها حاجة مهمة جدا

ـ ماما كانت دايما بتقولي خلي عنك ثقة في نفسك ومتخليش حد يهز فيكي أو يقلل منك وخليكي دايما مركزة على الهدف بتاعك

ـ وقت المسابقة كنت بروح أعيط لجدتي عشان كان فيه ناس بتحبط

ـ المفروض كل بنت تحس أنها حلوة عشان كل واحد جميل بطريقته وأنا طبعا شايفة أن أنا حلوة الحمد لله

ـ لما بعوز ماما بلاقيها، واحنا صحاب وعندي أخ فالموضوع مساعدني دايما أن أنا اروح اشتكي لأخويا

ـ أخويا أكبر من ب 3 سنين وعامل راجل عليا في البيت وبيسألني جيتي أمتى وماشية امتى

ـ بتخانق أنا وماما على الدراسة والتمرين

ـ ماما بتفضل تقولي ذاكري الوبيل مش هينفعك ولو مروحتش التمرين بيكون خط أحمر عند ماما

ـ دخلت الباليه عشان كانت هواية بعديها حبيته أوي فمقدرتش أسيبه بصراحة

ـ لو جاتلي الفرصة أبقى راقصة باليه هعمل كدا وهخش حفلات وأقدم حفلات مع ناس مهمة وأنا اصلا بحب استعرض قدام الناس وأقف على المسرح قدام الجمهور

ـ عمري ما أنسى مسرحية حوش بديعة لماما

ـ بفكر أني أمثل بس مش عارفة أخدها كهواية ولا وظيفة كاملة بس كدا كدا أنا حاطة التمثيل اختيار قدامي

ـ ماما بتضحك في البيت ولما بتكون متعصبة من الشغل بتتعصب علينا وساعتها بتجنبها