هشام ربيع: رجوعي لأم أولادي كان بالاتفاق مع بوسي.. ومش بيهمها كلام الناس

كشف مصفف الشعر هشام ربيع تفاصيل رجوعه لأم أولاده وربط ذلك بمشاكل بوسي مع والدها، حيث قال هشام ربيع في مداخلة هاتفية له مع الإعلامية بسمة وهبة في برنامج "90 دقيقة": "المشكلة أن بوسي مطربة مشهورة فدا اللي بيخلي الناس تتابع أخبارها، وهي أكتر واحدة بتتجرح لما يتكتب أي حاجة تجرح شخصيتها أو كرامتها.. وأنا مش عارف الناس شاغلة دماغها بالموضوع دا أوي ليه، أنا صحيت الصبح لقيت الدنيا مقلوبة مش عارف ليه".

تحيا مصر يرصد أبرز تصريحات زوج المطربة بوسي هشام ربيع في برنامج "90 دقيقة"

وتابع هشام ربيع قائلًا: "دي أم ولادي ودي مراتي وهي بالنسبالي ليها قدر كبير من الحب والأخلاق والإنسانية، واللي بيضايقني أن الناس اللي قاعدة على مكاتبها وما بتنزلش ومش بتشتغل ومش بتتحرى عن الخبر، ويطلع يقول أي حاجة في أي حتة يعني كلام ملوش أي أساس من الصحة، يعني واحد يطلع يقول أصل ربنا غضبان عليها عشان والدها.. بس هو لو تابع واتحرى هيلاقي أن هي بتكلم والدها شبه يوميا ومتصالحين قبل العيد الكبير والدنيا ماشية جميلة وولا فيه غضب ولا فيه عاق، وبوسي عندها مشكلة أنها مبتطلعش ومبتواجهش".

بوسي وعلاقتها بوالدها قبل وفاته

ومن جانبه، أكد هشام ربيع أن زوجته المطربة بوسي علمت بخبر وفاة والدها بعد يومين من دفنه، حيث قال: "بوسي والدها اتوفى عرفت بعدها بيومين، زي ما فيه ناس في العيلة وفي اخواتها بيحبوها في ناس مبتحبهاش وفي ناس عايزين مصالح معينة منها ولما أنا كلمتهم قالولي لا أصل هو توفى عشان كان قاعد لوحده في البيت ومعرفناش غير بعدها بيومين".

وأضاف قائلًا: "وبوسي اتصلت بناس هي بتثق فيهم هناك في العيلة وقالتلهم يا جماعة لو سمحتم لو بابا عليه أي فلوس حد يبلغني بيها".

بوسي وأزمتها الأخيرة

كما كشف هشام ربيع عن كواليس مصالحته لـ بوسي على والدها، حيث قال: "بعد ما صلحتها هي وباباها على بعض قولتلها عايزين نتصور أنا وأنتي وبابا وننزل الصورة عشان الناس فاهمة أن أنتي بنت عاق ومش واقفة جمبه فقالتلي لا لا أنا ميهمنيش الناس.. وبالنسبة لرجوعي لأم أولادي كل حاجة كانت بالاتفاق وأنا قولتلها انتي رصيدك زاد عندي لما قولتلك ولادي ثم ولادي".