بوسي: طلاقي من زوجي شائعة..«ومعرفتش إن أبويا مات غير بعد الدفن بيومين»

قالت المطربة بوسي، إنها لا تحب الحديث عن حياتها الشخصية على منصات التواصل الاجتماعي، موضحةً: "أنا مبحبش أرد على  الشائعات ومش هرد على حاجة، أنا بتكلم عن شغلي بس، واتفقت معه على أن يرد طليقته لأني عارفة قيمة الضنا، وأولاده صحاب ابني، ولما اتجوزنا كان منفصل عن مراته من فترة وعمري ما هتجوز راجلوعلى ذمته واحدة تانية".

وأضافت بوسي، في مداخلة هاتفية مع الإعلامية بسمة وهبة مقدمة برنامج "90 دقيقة"، على قناة المحور وينقلها تحيا مصر: "الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر إنشغال السوشيال ميديا بحياتي الشخصية".

وتابعت بوسي: "اللي بيقول باباها ميت غضبان عليها، إيش عرفك؟! انت كنت من بقية أهلي، ليه بتدعوا الكلام؟! المشكلة إن الكلام من زمايلي اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح".

المطربة بوسي: لم أعلم بوفاة والدي إلا بعد الدفن بيومين 

وواصلت: "الناس ايه اللي عرفها إن في مشاكل، انا متطلقتش وحياتنا مستمرة ومسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني، وبالنسبة لأبي، فقد تصالحت معه قبل وفاته ولم أعلم بوفاته إلا بعد الدفن بيومين". 

وشهدت الفترة الماضية الكثير من الحديث حول الفنانة بوسي وطلاقها بعد زواجها بفترة قصيرة جدا، وهو الأمر الذي تصدر مواقع التواصل الاجتماعي خلال الفترة الماضية بصورة واسعة، وسط شد وجذب بين المتداولين حول القصة وصحتها من عدمها. 

وشن عدد من رواد مواقع التواصل الاجتماعي هجومًا حادًا على المطربة بوسي بعد إعلان وفاة والدها، والذي كان يوجد أزمة كبيرة بينها وبينه، وسط العديد من التعليقات الغاضبة عليها، "مات غضبان عليكي"، "هتروحي من ربنا فين"، "اللي بيحصلك ده كله من غضب والدك عليكي". 

وكانت الإعلامية ياسمين عز قد شنت حملة هجوم حادة من خلال برنامجها "كلام الناس" ضد المهاجمين للمطربة بوسي على مواقع التواصل الاجتماعي، خاصة أنها حياتها الشخصية، " إنتو مالكم يا جماعة، ليه تتدخلوا في اللي مالكوش فيه، طالما هي راضية ومبسوطة سيبوها في حالها".