فتحي عبد الوهاب: الحياة مش طول الوقت عندي بمبى.. والسعادة عزيزة

حل الفنان فتحي عبد الوهاب مساء اليوم الثلاثاء الموافق 13 من شهر سبتمبر الجاري ضيفًا في برنامج "AB Talks" الذي يقدمه أنس بوخش على موقع الفيديوهات العالمي "يوتيوب" في تمام الساعة السابعة مساءً.

تحيا مصر يرصد أبرز تصريحات الفنان فتحي عبد الوهاب عن نفسه مع أنس بوخش

وكالعادة بدأ أنس بوخش بسؤال "بصراحة كيف حالك؟"، وكان رد الفنان فتحي عبد الوهاب على السؤال: "بيجيلي أوقات ببقى ناقم من حاجة أو متوقع شيء ومش بيحصل، أو حاجة بتحصل مش زي ما أنت عايزها بالظبط بس بعد شوية أنت بتبتدي تقبل فكرة تقلب الحال فعلشان كدا الحمد لله دايما.. وأنا في الفترة دي تقدر تقول أني مقدرش أقيم أني كويس أو لا أو مضغوط ولا لا".

فتحي عبد الوهاب يتحدث عن السعادة

وتطرق الفنان فتحي عبد الوهاب في الحوار إلى مفهوم السعادة بالنسبة له، حيث قال: "السعادة كانت بتيجي بأمور بسيطة جدًا دلوقتي السعادة عزيزة وغالية، ومش بالضرورة الحاجة اللي كانت بتسعدك في زمن فات أو في ذكرى أن هي تفضل تسعدك لأن أنت مبقتش نفس الشخص لأنك بكل لحظة أنت بتتغير والعالم حواليك بيتغير، بس بيفضل بردو حاجة أنت لما بتفتكرها النهاردة وهي عدى عليها سنين بتلاقي نفسك ابتسمت وبترجع لنفس الوقت دا".

وأوضح فتحي عبد الوهاب أن الرسمة التي تعبر عن حالته النفسية في الوقت الحالي هي خط مستقيم، حيث قال لـ برنامج "AB Talks": "لو اديتدني ورقة بيضة عشان ارسم عليها حاجة بتعبر عن حالتي النفسية هرسم خط مستقيم مفيهوش مطبات".

من يكون فتحي عبد الوهاب؟

ومن جانبه، وجه أنس بوخش سؤالاً إلى الفنان فتحي عبد الوهاب يطلب منه أن يقول من هو، ولكن فتحي عبد الوهاب قرر أن يقول من هو من ناحية السلبيات وليس الإيجابيات حتى يستطيع السيطرة على الأنا، حيث قال: "بشوف أن أنا بشكل ما متسرع وحكمي بيبقى عاطفي مش عقلاني في بعض المواقف، وأنا بشوف أن دا حاجة مش تمام ومش المفروض أبقى كدا.. وأنا شخص كسول جدًا وبزهق بسرعة يمكن عشان أنا شوية مش متفائل والحياة مش طول الوقت عندي بمبى".

الحب من وجهة نظر فتحي عبد الوهاب

كما أكد عبد الوهاب أن الحب يجب أن يكون من الناحية العقلانية وليست العاطفية حتى يستمر، حيث قال: "لازم الحب يتحول من عاطفي إلى عقلاني.. عشان كدا دايما بيبقى مهم أنه لما يبقى فيه علاقة مستمرة سنين طويلة بنقول فيهم شبه من بعض لأنهم عدوا فكرة الصداقة بقى فيه عشرة".