في عيد زواجهم.. عمرو وهبة يمازح زوجته: “رجولة وبتصرف على البيت”

حرص الفنان عمرو وهبة على الإحتفال مع زوجته بـ عيد زواجهما الـ 12، وذلك من خلال توجيه رسالة رومانسية وكوميدية  لطالما لا تخلوا حياة الفنان من المواقف الكوميدية التي يشاركها مع الجمهور بشكل مستمر.

تحيا مصر يرصد في ذلك التقرير رسالة عمرو وهبة لـ زوجته في عيد زواجهم

عمرو وهبة يحتفل بـ عيد زواجه على طريقته الخاصة

وشارك عمرو وهبة صورة لها في أحضان زوجته عبر حسابه الرسمي بموقع التواصل الإجتماعي “فيسبوك”، وعلق عليها: “النهارده كده ماشاء الله كملنا ١٦ سنه مع بعض.. انا عارف ان كلمه رجوله بتبقى غريبه لما تتقال على بنت بس الصراحه هى الكلمه الوحيده المعبره عن اللى بتعمله معايا طول عمرها”.

وتابع حديثه، قائلا: “انا لما كان نفسى اسيب شغلى عشان احقق حلمى وامثل وقولتلها مش هينفع اعمل كده عشان مصاريف البيت قالتلى لو هتبقى مبسوط سيبه وحاول فى اللى بتحبه وانا متأكده انك موهوب وهتنجح ولو اتزنقنا انا بشتغل وهصرف انا لحد مالدنيا تمشى ..صحيح من ساعتها هى اللى بتصرف فعلاً بس كان موقف نبيل الصراحه هى اكيد ندمانه عليه دلوقتى”.

عمرو وهبة في تسليم أهالي 

ويعرض للفنان عمرو وهبة خلال الفترة الحالية في دور العرض السينمائية، فيلم “تسليم اهالي”، الذي يشارك بطولته إلى جانب كلا من النجوم  دنيا سمير غانم وهشام ماجد وبيومي فؤاد والفنانة الراحلة دلال عبد العزيز ومحمد ممدوح ولوسي والعمل من تاليف شريف نجيب، وإخراج خالد الحلفاوي من إنتاج شركتي سينرجي وروزناما، وتدور قصة العمل حول زوجين يحلمان بالسفر إلى كندا، ويعمل الزوج وهو الفنان هشام ماجد طبيب بشري، ولكن تظهر امرأة في حياتهما وتلاحقهما في كل مكان وتفسد عليهما حلم الهجرة والتي تجسد شخصيتها الفنانة لوسي.

رسالة عمرو وهبة لـ نجوم تسليم أهالي

وكان قد أعرب عمرو وهبة عن سعادته بالمشاركة في فيلم تسليم أهالي، فكتب: “الفيلم ده انه بحبه ومتحمسله جداً ومستنيه من زمان ومبسوط انى مشارك فيه بجزء بسيط واعتقد انه مش بس هيبقى من اهم افلام السنه لكن اعتقد كمان انه هيبقى من اهم الافلام الكوميدى اللى هتعيش واللى ممكن تفتحها وتتفرج عليها اى وقت، الف مبروك لهشام جمال صديقى المنتج الفنان الشاطر ولشريف نجيب المؤلف الجامد جداً جداً وللمخرج الاستاذ خالد الحلفاوي اللى ماشاء الله كل اعماله ناجحه ومحبوبه والف مبروك لكل كاست وكرو الفيلم، ادخلو الفيلم وهتتبسطو على مسئوليتى”.