بعد اتهامه بتدمير حياتها.. محمد صبحي يرد على عبير صلاح الدين: “عايزة تحقق الشهرة بالكذب”

أثارت المونولوجست عبير صلاح الدين، الجدل في الأيام الماضية بعدما فتحت النار على الفنان محمد صبحي، مشيرة إلى أنها تعرضت بسببه لتدمير حياتها لمجرد أنها رفضت تقديم الجزء السابع من مسلسل يوميات ونيس، التي تألقت به في الوسط الفني بعد تقديمها شخصية عبلة.

تحيا مصر يرصد في ذلك أول رد من محمد صبحي بعد هجوم عبير صلاح الدين عليه

أول تعليق من محمد صبحي على عبير صلاح الدين

وجاءت تصريحات محمد صبحي في رسالة لبرنامج "حضرة المواطن"، الذي يقدمه الإعلامي سيد علي عبر قناة الحدث اليوم، على النحو الأتي:

• عبير صلاح الدين جتلي أول مرة وقولت إن ملهاش في التمثيل وخلتها تتدرب مع الفرقة عشان أحطلها دور.
• في 1994 ادتها دور عبلة في ويوميات ونيس ودربتها عليه لحد ما طلع بالشكل ده في 2008.
• في الجزء السابع سابت المسلسل وأقنعت ممثلة تانية انها متكملش هي كمان.
• عبير صلاح الدين كان واعدة الممثلة دي تكتبلها مسلسل .
• المسلسل بتاعها فشل وعبير اتطردت من الإستديو ومعرفتش عنها حاجة من وقتها.
• أنا قدمت 277 ممثلا اتخرجو من عندي واشتغلوا في السوق ونجحو ازاي تقول عني الكلام ده.
• منهم صلاح عبد الله، ومنى زكي، وأحمد وفيق، ومصطفى شعبان، وأحمد رفعت، وأحمد آدم، وقبلهم هناء الشوربجي، وأبناء ونيس وشريهان وسيمون، وكلهم استطاعوا النجاح وعلاقتي بهم ممتازة حتى الآن .
• مش عايز المسكينة دي تحقق الشهرة والتريند بأكذيبها وهكتفى بدفاع زملائي والجمهور.

عبير صلاح الدين تفتح النار على محمد صبحي

وكانت قد فتحت عبير صلاح الدين على الفنان محمد صبحي، من خلال تصريحات فجرتها عبر برنامج “كلام الناس” المذاع على قناة mbc مصر، وتقدمه الإعلامية ياسمين عز، قالت فيها، ردا على سؤال سبب عدم استكمالها سلسلة يوميات ونيس: "لو قولت الحقيقة هزعل ناس كتير جدا وهتهاجم جامد واللجان الإلكترونية هتروقني ومحدش هيصدقني، وهيقولوا هو اللي عملها بس ربنا شاهد وربنا عارف، الجزء السابع مكنش ينفع إننا نكمله، كان مط وتطويل وحصل فيه خلافات كتير وتوقف التصوير مدة 6 شهور صورنا فيه شغل وناس اتخانقوا مع بعض فمشيو فاضطرينا نعيد التصوير تاني ببلاش، وأنا كان مشاهدي فيه صامت، وأما قالوا هنعمل التامن أنا رفضت فمحمد صبحي قالي ازاي تعملي كدة".

عبير صلاح الدين: قالولي حلك عشان تشتغلي تاني تستسمحي محمد صبحي

واختتم عبير صلاح الدين حديثها، فقالت: "الورق كل مرة كان بيقلل من دوري، وصعب عليا إن دور زي عبلة علم مع الناس يتكره في أخر أجزاء ليه وتعب 6 سنين يروح على الفاضي، فخرجت من المسلسل وقعدت من غير شغل كتير، وكتير جه وقالولي انتي حلك واحد إنك تروحي تستمحي الأستاذ عشان تشتغلي تاني فأنا أما قولت لا قالولي يبقى هتقعدي زي ما ناس كتير قعدت، فقولت الرزق على الله أنا ما غلطتش في حاجة أنا كنت بقول رأيي”.