منى فاروق لواصفي إطلالتها بقميص نوم: أنا بنت بتتكلموا في عرضي ليه؟ خافوا ربنا

فتحت الفنانة المصرية منى فاروق النار على منتقدي إطلالتها والتي شبهوها بقميص النوم، مستنكرة خوضهم في عرضها.

تحيا مصر يرصد رد منى فاروق على منتقدي إطلالتها. 

منى فاروق تفتح النار على منتقديها

كتبت منى فاروق عبر خاصية استوري على موقع تبادل الصور والفيديوهات القصيرة «إنستجرام»: "أنا بنت بتتكلموا في عرضي ليه؟ خافوا ربنا.. ما كل البنات بتلبس فساتين صيفي عادي .. يعني أنا حرة ليه نازلين فيا جلد"

وتابعت: "ده ربنا بيسامح وبيغفر لعباده الذنوب، انتوا مزعجين جدا .. بس أنا ولا فارق معايا كلامكم أنا بعامل ربنا مش بعامل البشر .. بجد حسبي الله ونعم الوكيل في كل الناس اللي بتكتب عني بالكذب".

واختتمت منى فاروق حديثها قائلة: "أنا في الأول والأخير بنت بتتكلموا في عرضي ليه ؟؟ خافوا ربنا شوية.. ربنا موجود وهيعوضني خير .. وأنا في حماية ربنا".

منى فاروق تغضب من متابعيها

وكانت قد عبرت الفنانة منى فاروق عن غضبها وكتبت عبر حسابها بتطبيق انستجرام :" يلا الاستوري دي اعملها ترند كمان ياللي مش بتخافوا ربنا بجد عندي سؤال مهم ..؟؟ ليه مركزين في حياتي ..؟ ليه كل حاجه اعملها تطلعوها ترند ..؟ ليه مش سايبني في حالي ..؟ ليه مش عاوزني اعيش زيكم ..؟ ليه مش عاوزني اشتغل واكبر وانجح ...؟؟ ليه بتحاسبوني ..؟؟".

وأضافت منى فاروق :"ليه بتحاربوني في رزقي وحياتي ..؟ ليه مستنين ليا اي حاجه عشان تتكلموا عني وعن عرضي واهلي ..؟ ليه مستكترين عليا اي حاجه حلوه تحصلي ..؟ ليه كل يوم اصحا علي خبر اوحش من اللي قبله ..؟ ليه بتطلعوا اشاعات رخيصه عني..؟؟ ليه انا شغلتكم ...؟؟ ليه بتتكلموا عني بالباطل حتي لو طلعت قولت كلام عادي ...؟ ليه عاوزين بتوجعوني ...؟"

وتابعت :" ليه مش من عاوزني اعيش ...؟ ليه مش بتفكروا في أخرتكم ...؟؟ ليه مش بتفكروا لو ربنا كشف ستره عنكم هيحصل فيكم ايه ..! حسبي الله ونعم الوكيل في كل انسان بيتكلم في عرضي ويقول اشاعات وکل انسان ربنا ستره دي نعمه مش حاسس بقيمتها عشان مش بتحافظ عليها وحسبي الله في كل انسان بيكره جمهوري فيا .... ربنا موجود وهينصرني علي كل ظالم .. من كان منكم بلا خطيئه فليرمها بحجر دع الخلق للخالق حسبي الله ونعم الوكيل".