“قالولي استسمحية يإما هتقعدي زي ناس كتير”.. عبير صلاح الدين تفتح النار على محمد صبحي

كشفت الفنانة عبير صلاح الدين لأول مرة خلافها مع الفنان محمد صحبي، وعدم تعاونها معه في الأجزاء الأخيرة من مسلسلهما الشهير يوميات ونيس، والذي شاركت به بشخصية “عبلة”.

تحيا مصر يرصد في ذلك التقرير تفاصيل خلاف عبير صلاح الدين مع محمد صبحي

خلاف عبير صلاح الدين مع محمد صبحي

وقالت عبير صلاح الدين خلال حلولها ضيفة على برنامج “كلام الناس” الذي تقدمه الإعلامية ياسمين عز على قناة mbc مصر: “لو قولت الحقيقة هزعل ناس كتير جدا وهتهاجم جامد واللجان الإلكترونية هتروقني ومحدش هيصدقني، وهيقولوا هو اللي عملها بس ربنا شاهد وربنا عارف”.

عبير صلاح الدين: الجزء السابع من يوميات ونيس كان مط وتطويل واتظلم فيه

وتابعت عبير صلاح حديثها عن الخلاف محمد محمد صبحي، فقالت: “الجزء السابع مكنش ينفع إننا نكمله، كان مط وتطويل وحصل فيه خلافات كتير وتوقف التصوير مدة 6 شهور صورنا فيه شغل وناس اتخانقوا مع بعض فمشيو فاضطرينا نعيد التصوير تاني ببلاش، وأنا كان مشاهدي فيه صامت، وأما قالوا هنعمل التامن أنا رفضت فمحمد صبحي قالي ازاي تعملي كدة".

عبير صلاح الدين: قالولي يا تستسحمي محمد صبحي يا هتقدي طول حياتك من غير شغل

وأضافت: “الورق كل مرة كان بيقلل من دوري، وصعب عليا إن دور زي عبلة علم مع الناس يتكره في أخر أجزاء ليه وتعب 6 سنين يروح على الفاضي، فخرجت من المسلسل وقعدت من غير شغل كتير، وكتير جه وقالولي انتي حلك واحد إنك تروحي تستمحي الأستاذ عشان تشتغلي تاني فأنا أما قولت لا قالولي يبقى هتقعدي زي ما ناس كتير قعدت، فقولت الرزق على الله أنا ما غلطتش في حاجة أنا كنت بقول رأيي”.

تفاصيل مسلسل يوميات ونيس

يذكر أن، مسلسل يوميات ونيس كوميدي عائلي مكون من ثمانية أجزاء، بدأ تصوير الجزء الأول منه في عام 1994، وانتهى عرضها في عام 2007، ودرات أحداثه حول ونيس الشخصية المثالية الذي يريد تربية أبنائه تربية صالحة ويواجه في سبيل ذلك العديد من المشاكل من قبل المجتمع الذي يكتشف أن فيه من يحتاج إلى التربية أولًا.