أحمد سعد: لحنت أغنية لـ راغب علامة واكتشفت بعدها أني سارق اللحن من أصالة

كشف الفنان أحمد سعد أثناء حواره في برنامج "صاحبة السعادة" مع الإعلامية إسعاد يونس عن تعاونه مع المطرب راغب علامة في تلحين أغنية "طب ليه كدا"، مشيرًا إلى أن بعد نجاح الأغنية اكتشف أنه سارقها من أغنية للفنانة السورية أصالة.

تحيا مصر يرصد تصريحات أحمد سعد عن تعاونه مع المطرب راغب علامة

حيث قال أحمد سعد لـ برنامج "صاحبة السعادة": "أنا دايمًا ببقى عارف أن أي أغنية لو نجحت مينفعش ركن فيها يبقى مش موجود، ولو غيرنا أي حاجة فيها مش هتنجح، أغنية طب ليه كده نجحت عشان راغب علامة وبصوته، أنا كنت فلحوس أوي وسط صحابي، كنت عايش في عين شمس، وبسمع ألوان مختلفة وكانوا بيخلوني أعملهم شخصيات، وجيت في أغنية راغب علامة عملت شخصية جزائرية في أغنية معاه في الألبوم".

وأضاف أحمد سعد قائلًا: "قولت الألبوم ده ناقصه أغنية هيت، طبعًا هما عايزين يعرفوا مين العيل الصغير ده اللي قال الألبوم ناقصه أغنية، وقالي أنت تعرف منين الأغنية الهيت، أنت بتلحن؟ قولت لأ بس لو عايز ألحن هلحن، أنا هلحن لك أغنية في 24 ساعة".

تعاون أحمد سعد مع راغب علامة

وتابع أحمد سعد: "أنا مكنتش أحلم ألحن لـ راغب علامة، أنا كان نفسي أمشي معاه بس في الشارع، ومكنتش متخيل أن الأغنية هتعجبه بالطريقة دي، أنا أه كان عندي ثقة ولكن مش لدرجة إن ميتغريش فيها حاجة".

واستكمل حديثه قائلًا: "الأغنية نزلت وكسرت الدنيا، واكتشفت إني سارق نصها ومكنتش أعرف، وطلعت متاخدة من أغنية لأصالة، وكلمت أصالة وقولت لها أنا الأغنية عندي أحلى".

أغنية "طب ليه كدا"

ومن الجدير بالذكر أن أغنية "طب ليه كدا" تم طرحها يوم 10 من شهر نوفمبر سنة 2011 عبر القناة الرسمية لشركة "مازيكا" علي موقع الفيديوهات العالمي "يوتيوب"، وقد حققت الأغنية منذ طرحها وحتى الآن أكثر من 14 مليون مشاهدة.

وهي من كلمات وليد الشاعري، ألحان أحمد سعد، وتوزيع مدحت خميس، ومن كلماتها: “طب ليه كده تشغل قلبى وتشغل عقلى وبالى معاك طب ليه كده تبعد تعند تخلف وعدى يا روحى معاك طب ليه كده تشغل قلبى وتشغل عقلى وبالى معاك طب ليه كده تبعد تعند تخلف وعدى يا روحى معاك بفتكرك وانت ناسينى ويروح النوم من عينى وانت ترتاح يا حبيبى واتعذب انا فى هواك”.