أحمد سعد عن رقصة أغنية "صدقيني": الناس افتكرتها لاخواتنا الصم والبكم

حل الفنان أحمد سعد ضيفًا في برنامج "صاحبة السعادة" مساء أمس الثلاثاء الموافق 6 من شهر سبتمبر الجاري في تمام الساعة الحادية عشر مساءً، وأثناء الحلقة تحدث أحمد سعد عن رقصة أغنية "صدقيني" التي ظلت متصدرة تريند مواقع التواصل الاجتماعي لفترة كبيرة.

تحيا مصر يرصد تفاصيل تصريحات الفنان أحمد سعد عن رقصة أغنية صدقيني

حيث قال أحمد سعد خلال لقائه في برنامج "صاحبة السعادة": "أغنية صدقيني هي جاية بعد أغنية هي مش شبهي خالص أغنية عليكي عيون، والناس اتفاجئت، لو قصدت التريند عمره ما هيجي، أنا داخل في 4 أو 5 شهور الناس بترقص الرقصة بتاعت الأغنية زي ماكرينا وأنا عملتها مكنتش أقصد أعملها، افتكروا إن الرقصة لإخواتنا الصم والبكم، والسف كان غير عادي".

وتابع أحمد سعد حديثه عن أغنية "سايرينا يا دنيا" قائلًا: "أغنية سايرينا يا دنيا أول ما سمعتها حسيت أنها مش لوني وده اللي خلاني أتمسك بيها أكتر، ده مش أدائي في الغناء، وقولت أنا مواقف وعايز أعمل الأغنية دي، كلمت إيهاب إنه يجي يحجمني علشان الناس تغني ورايا، وبدأت أجيب ناس معايا في الأستوديو علشان لو غنيت حاجة زيادة تمسكني، يقولولي لأ خلينا سادة".

تفاصيل أغنية "سايرينا يا دنيا"

ومن الجدير بالذكر أن أغنية "سايرينا يا دنيا" تم طرحها من فيلم "من أجل زيكو" يوم 25 من شهر يناير الماضي عبر القناة الرسمية للشركة المنتجة للأغنية على موقع الفيديوهات العالمي "يوتيوب"، وقد حققت الأغنية منذ طرحها وحتى الآن أكثر من 79 مليون مشاهدة.

وتعد الأغنية من كلمات منة القيعي، إيهاب عبد الواحد، وتوزيع نادر جلال، وتقول كلماتها: 

شيلة أتقل من الجبال
كتفي محني ضهري مال
فجأة يجي يجي احتمال
بس يجي معاه ألف مليون سؤال
دنيا عافية ولا سالكة
سكة ماشية ولا هالكة
دي الإجابة ولا ليها مالكة
باختيارنا يعني حالنا ولا طول عمره اضطرار

سايرينا يا دنيا، سيري بينا يا دنيا
سايرينا يا دنيا، سيري بينا يا دنيا
سايرينا يا دنيا، سيري بينا يا دنيا، يا دنيا، يا دنيا
سايرينا يا دنيا، سيري بينا يا دنيا

صدقيني لو بإيدي كنت اشيلك بين وريدي
كنت أنور عشان تقيدي
كنت أشقلك حجر واعدي بيكي
كنت أقطف من الدنيا خيرها
كنت أبقى نجمك في ليلها
كنت أزيح هموم الكون بكفي
واخدك في حضني تستخبي تلقي خوفك أمان

سايرينا يا دنيا، سيري بينا يا دنيا
سايرينا يا دنيا، سيري بينا يا دنيا
سايرينا يا دنيا، يا دنيا، سيري بينا يا دنيا، يا دنيا
سايرينا يا دنيا، سيري بينا يا دنيا