المدرب زي الأب وأي حاجة ممكن تعيطني.. تصريحات محمد لطفي في واحد من الناس

حل الفنان محمد لطفي ضيف الإعلامي عمرو الليثي في برنامج واحد من الناس، المعروض عبر شاشة قناة الحياة، في تمام الساعة العاشرة اليوم، وتحدث عن أسرار يكشف عنها لأول مرة.

تحيا مصر يرصد لكم تصريحات محمد لطفي ببرنامج واحد من الناس 

• المدرب زي الأب بالظبط وعارف كل حاجة عن اللي معاه
• مندمتش اني سيبت الملاكمة ولو يرجع بيا الزمن اختار التمثيل تاني
• الملاكمة علمتني الصبر والجلد والتمصيل علمني الإدراك
• مبقتش أحب أفضل في أدوار الشر والعنف الزايد
• ماندو العدل متميز في شغله
• شرخت صوتي عشان دور فرعون اللي عملته في كبارية
• الدكاترة قالوا صوتي مش هيرجع تاني بس اتعالجت وقريت قرآن وربنا رجعهولي
• من وأنا صغير مسؤول ومكافح
• مكنتش بكلف والدي مسؤلية حاجة
• اشتغلت في البناء وكنت بشيل حاجات المهم يبقى معايا فلوس
• كنا 12 أخر ومبحبش أحمل على والدي
• كنت بجري من المعادي للقلعة عشان معنديش فلوس اركب اتوبيس
• انهارت من البكاء على منافس ليا كسبته في الملاكمة وأنا 17 سنة
• أنا ممكن ابكي على أي حاجة
• مبخافش غير من اللي خلقني والأمان مصدره ذكر الله
• مبفكرش في بعدين وسايب اللي بعد كده
• بهدي أي جائزة فنية لأستاذي خيري بشارة

أخر ظهور إعلامي للفنان محمد لطفي

ويذكر أن أخر ظهور إعلامي للفنان محمد لطفي كان منذ عدة أسابيع عندما حل ضيفًا في برنامج أسرار النجوم الذي تقدمه الإعلامية إنجي علي ويذاع على محطة راديو نجوم إف إم، وأثناء الحلقة تحدث محمد لطفي عن الكثير من الأمور التي تخص حياته الفنية والشخصية أيضًا.

ومن أبرز تصريحاته: "أنا معنديش حساب على الفيس بوك وفيه أشخاص بتنتحل شخصيتي وبتتواصل مع الناس بشكل غير لائق"، "نفسي أعمل السيرة الذاتية لفريد شوقي، فهو أول واحد باركلي على فيلم "كابوريا" وقالي أنت هتبقى فريد شوقي"، "أنا وعمرو دياب أصدقاء منذ تعاوننا في فيلم "لعب وجد وحب" وعلاقتي متغيرتش بيه لدلوقتي"، "الشهرة مغيرتنيش، ولو الشهرة غيرتني مش هعرف أبدع ومش هعرف اتعامل مع الناس، وبحب أعيش حياة طبيعية وبنزل الحرفيين أصلح عربيتي وبتصور مع الناس"، "أحمد زكي نصحني بعدم المشاركة في أفلام المقاولات، ولما اتعرضت عليا رفضتها بالرغم أنه مكنش معايا 20جنيه أحط بنزين"، "أنا اتشهرت ببطئ أوي عشان أول 15 سنة من مشواري كانوا في السينما فقط".