شيرين عبد الوهاب عن الموزع طارق مدكور: مرتب جدًا وممكن تطلبوا إيدي منه

تحدثت الفنانة شيرين عبد الوهاب عن إمكانية تعاونها مرة أخرى مع شركة "نجوم إف إم"، وذلك في مداخلة هاتفية لها ببرنامج "حروف الجر" الذي يقدمه الإعلامي يوسف الحسيني ويذاع على محطة راديو "نجوم إف إم".

تحيا مصر يرصد أبرز تصريحات شيرين عبد الوهاب في "نجوم إف إم"

حيث قالت شيرين لـ برنامج "حروف الجر": "أنا عندي شركتي وفكري ومنهجي وبعد كل الوقت دا من حياتي وعمري مينفعش أكون ملك للغير، ولكن مفيش مانع نتعاون مع بعض مرة تانية، أنا قدمت قبل كدا تجربة جميلة وشرفت بالتعاون مع نجوم إف إم، وعايزة أحافظ على التعاون دا معكم ومع غيركم، وأنا أؤمن بالتخصص لأن شيرين مش هتعرف لوحدها تعمل كل حاجة، وممكن تطلبوا إيدي من طارق مدكور هو المسؤول حاليا عن كل الاتفاقيات لو عايزين تتفقوا على حاجة".

شيرين عبد الوهاب تتحدث عن علاقتها بالموزع طارق مدكور

وكان ضيف الحلقة التي شاركت فيها شيرين عبد الوهاب بمداخلة هاتفية الموزع الموسيقي طارق مدكور، وتطرقت في المكالمة للحديث عنه وعن علاقتها به، حيث قالت: "طارق مدكور شخص مرتب جدًا وعنده العالم الخاص به وكلنا نعيش معاه، وهو مخلص للقطط بتاعته، فهو بيعاملنا بردو بمنتهى الإخلاص، واتعرفت عليه وأنا كان عندي 17 سنة وأتذكر أخذني للمسرح وقت مسرحية (حزمني يا)، واتعرفنا على محمد هنيدي والنجوم الكبار وكان معانا الفنان محمد حماقي".

وأضافت شيرين عبد الوهاب: "وطارق عنده عالم أي حد يدخله في أي وقت يلاقي نفس المعاملة وهو شخص مش بيتغير، إنسان مخلص وواضح جدًا لو نلخصه في كلمتين، فهو عنده شغف لكل حاجة جديدة ولا يسمم أفكاره بمعلومات خاطئة حتى لو كان مسلسل أو كتاب، هو شغفه المزيكا وأصحابه".

شرين عبد الوهاب: كلنا بنحب عالم طارق مدكور

واستكملت الفنانة شيرين عبد الوهاب حديثها عن الموزع الموسيقي طارق مدكور، قائلة: “طارق إنسان مهتم بيك لتفاصيلك، وهو مش عايز يسيبك فريسة لأي ثقافة، حتى هو اللي بيختار ليا أفلام من ثقافة معينة عشان أشوفها، هو الوضوح لو عايز تعيش في دنيا مفيهاش كذابين ولا ناس بوشين أدخل عالم طارق مدكور وكلنا بنحب عالمه”.