ياسمين عز تنفعل على تصريح محمد عطية بتأييد المساكنة: “فين الدين اللي بيقول كدة؟”

انفعلت الإعلامية ياسمين عز، مقدمة برنامج “كلام الناس” المذاع على قناة mbc مصر، على تصريح الفنان الشاب محمد عطية بشأن تأييد المساكنة، بمعنى أن تعيش المرأة مع الرجل في منزل واحد ويمارسوا طقوس الزواج ولكن قبل الزواج رسميا، وعندما يكتشفوا أنهم صالحين لبعضهم يعلنوا زوجهم رسميا.

تحيا مصر يرصد في ذلك التقرير تعليق ياسمين عز على تصريحات محمد عطية بشأن المساكنة

ياسمين عز تنفعل على محمد عطية

وقالت ياسمين عز خلال برنامجها: "الأيام دي الواحد بيسمع تصريحات مش بيبقى عارف يعلق عليها.. عايزين توصلوا الناس لـ ايه؟ يعني اي نعيش مع بعض من غير جواز وبعدين نشوف إحنا مناسبين ولا لا.. فين الدين اللي بيقول كدة؟ ازاي شخصية المفروض قدوة تقول كلام خطير زي ده".

وتابعت ياسمين عز حديثها: "ملناش دعوة بـ كريستيانوا وجورجينا واللي بتحضر فرحها حامل.. احنا لا عادتنا ولا ديننا بيقول كدة، مفيش حاجة اسمها مساكنة، السكن زوج وزوجة في بيت واحد بعقد شرعي.. المساكنة دي تقلل منك لازم يكون في مجهود الراجل يعمله عشان يتجوزك فتبقي غالية عنده إنه يسيبك".

تأييد محمد عطية للمساكنة

وكان قد قال محمد عطية في تصريحات تليفزيوينة: "ممكن أتجوز من غير دين المهمة تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه ندخل المجتمع والقوانين بينا؟" لأنسب نتجوز من غير عقد زي المساكنة لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".

وغضب عدد كبير من رواد السوشيال ميديا من تلك التصريحات، وشنوا حملة هجوم شنيعة عليه، خاصة أن تلك الاشياء مخالفة للعادات والتقاليد المصرية والعربية.

تصريحات محمد عطية المثيرة للجدل

جدير بالذكر، أنه سبق وكتب محمد عطية عبر حسابه الرسمي بموقع التواصل الإجتماعي “فيسبوك”: “أنت بتمثل يبقى لازم تطوع نفسك لكل ما يتطلبه منك الدور من لبس وشكل وأداء يناسب الشخصية اللي أنت بتلعبها مش العكس.. يجيلك دور تقوم مطوعه ليتماشي مع معتقداتك الشخصية، مفيش حاجة اسمها كدا، لو مستحرم التمثيل متمثلش، إنما تقعد تقولنا ادعاءتك الإخلاقية ليه؟”.