“اعتزلت الفن لأنه شغلني عن الصلاة ومحتاجة أروح لدكتور نفسي”.. تصريحات شهيرة في كلام الناس

حلت الفنانة شهيرة، ضيفة على برنامج “كلام الناس" الذي تقدمه الإعلامية ياسمين عز على شاشة قناة mbc مصر، وذلك في حلقة اليوم الجمعة، لتكشف عن مواقفها المؤثرة عن زوجها الراحل محمود ياسين وإمكانية عودتها للفن، ويرصد تحيا مصر في ذلك التقرير أبرز تلك التصريحات.

تصريحات شهيرة في كلام الناس

• أنا كبرت في السن ولازم أتقبل ده ومش هرجع أمثل إلا لو حاجة واو
• في حاجات مبقتش أقدر أعملها ولو كنت شابة كنت هقدر أتحمل الوحدة اللي عيشاها
• بنادي على محمود ياسين كل يوم وبيرد عليا وباخد مهدئات عشان أتخطى ده
• بفكر أروح لطبيب نفسي عشان محتاجة حد يسمعني
• اعتزلت الفن لأنه شغلني عن ربنا والصلاة
• محمود ياسين مطلبش مني أعتزل بالعكس هو مكنش يعرف وأتفاجئ بـ قراري
• الراجل مهم إن يطمن شريكة حياته ويحسسها إنها أهم من أي واحدة
• عمرو إبني قالي الدلع اللي كنتي بتدلعيه زمان مش هتلقيه دلوقتي.
• محمود ياسين ميتعوضش كزوج وكأنسان، كان حاجة رائعة ومتفرد ومجاش منه اتنين.
• كان حواليه بنات كتير.. وأنا اللي كنت بديله التليفون يكلم معجباته.
• مرة واحدة اتشعلقت في رقبة محمود ياسين وأنا واقفة وكانت بنات كتير تقولة إنها بتحبه.
• لو واحدة عازت تتجوزه كان يقولي “المقص اللي بتقصي بيه ضافر رجلك برقبتهم”.
• منعت عنه الزيارة في مرضه عشان محمود ياسين لازم يبقى بكامل صحته قدام الكل.
•  كنت مانعة حد يساعد أو يخدم محمود ياسين غيري، مع أن الوضع كان صعب بس ربنا كان مقويني وأنا بعتبر إن ربنا سخرني له.

الراحل محمود ياسين

جدير بالذكر،  أن أخر أعمال الفنان الراحل محمود ياسين أوبريت غنائي بعنوان “مصر فوق كل المحن”، الذي  يوصل رسالة واضحة وحقيقية لإتحاد عناصر الأمة المصرية من مسلمين ومسيحيين من أجل الوصول بمصر الوطن إلى أرض الأمان وتجاوز كل المحن، وهي رسالة لطمأنة شعوب العالم على استتاب الأمن بمصر وكامل وحدته، وشاركه البطولة كلا من النجوم، مي كساب إيهاب توفيق، لطفي لبيب، إلهام شاهين، شذى، وابنه عمرو محمود ياسين، وأخرين.