شهيرة: "لو جتلي حاجة واو ممكن أرجع التمثيل واتحطمت بعد وفاة محمود ياسين"

حلت الفنانة شهيرة، زوجة الفنانة الراحل محمود ياسين ووالدة الفنانة رانيا محمود ياسين وعمرو ياسين، ضيفة على برنامج “كلام الناس”، الذي تقدمه الإعلامية ياسمين عز، وذلك في أول لقاء تليفزيوني لها بعد غياب.

تحيا مصر يرصد في ذلك التقرير تصريحا شهيرة لـ كلام الناس

شهيرة تكشف نيتها في العودة للتمثيل

وكشفت شهيرة عن نيتها في العودة للتمثيل مرة أخرى، فقالت خلال البرنامج: “في عروض بتجيلي كتير وأنا ببقى متحمسة جدا وقتها وبعدين أما بفكر بتراجع، خاصة إني بقالي فترة كبيرة مطلتش على الناس فببقى قلقانة، ودلوقتي كمان المهنة بقت صعبة وبقوا يشتغلوا أكتر من 18 ساعة، وإحنا زمان كنا بنشتغل 8 ساعات، حتى عمرو إبني قالي الدلع اللي كنتي بتدلعيه زمان مش هتلقيه دلوقتي”.

وتابع شهيرة حديثها: “ممكن أرجع التمثيل لو لقيت حاجة واو أوي وقتها هتحمل وأنزل”.

شهيرة: متجاوزتش حزني على محمود ياسين

وتطرقت شهيرة بالحديث عن زوجها الراحل محمود ياسنين، فقالت: “أنا لسة متجاوزتش وفاة محمود ياسين لحد دلوقتي، بحاول ديما بش مش قادرة، ولسة محطمة وعيالي بيحاولوا يخرجوني بس مبقدرش، والحزن الزيادة عن اللزوم أثر عليا عضوية”.

شهيرة: لسة بنادي على محمود كل يوم بالليل وروحت لطبيب نفسي

وتحدثت شهيرة عن لجوئها لطبيب نفسي بسبب معاناتها من فراق محمود ياسين، فقالت: :أنا لسة بنادي عليه قبل ما أنام وبحس إنه بيرد عليا يقولي نعم، وفكرت إني أروح لدكتور نفسي من أسبوعين، مش عشان أتعالج من حاجة بس أنا محتاجة اللي يسمعني ويخرجني من اللي أنا فيه".

وعن منعها الزيارة عن محمود ياسين، فقالت: “أي خد كان بيطلب يتكلم مع محمود ياسين على التليفون مكنتش ببمنعه وكتير من زملائه كانوا بيكلموه، لكن الزياة لا، صحت محمود عندي كانت أهم، كان لازم يفضل بكامل لياقته الصحية  قدام الكل لأنه محمود ياسين مش أي حد”.

جدير بالذكر، أنه سبق وأن قدمت شهيرة رسالة لـ زوجها الراحل، قالت فيها: “ده حالي النهاردة كل سنة وأنت حبيبي، مهما بعدت أنت قريب يا محمود، ربنا يلاضى عنك ويراضيك بجنات النعيم، كل سنة وكلكم حبايبي وطيبين”.