قبل تخرجها بيومين..طالبة تتخلص من حياتها بالدقهلية: كان نفسي حد يطبب عليا|فيديو

واقعة مؤسفة شهدتها  محافظة الدقهلية، حيث أقدمت فتاة على التخلص من حياتها بتناولها قرص حبة الغلة السامة، وذلك لمرورها بحالة نفسية سيئة مما دفعها إلى الانتحار.

تحيا مصر 

لمرورها بحالة نفسية سيئة..طالبة تتخلص من حياتها بأسيوط

أم تتخلص من أطفالها الثلاثة ذبحا وتحاول الانتحار بالدقهلية

وتركت الفتاة الجامعية رساله محزنه حيث كتبت بألم وحسرة على صفحتها الشخصية على موقع التواصل الاجتماعي "فيسبوك": «أنا حزينة حزينة أوي إني وصلت للمرحلة  دي ، وأنا بكتب الرسالة دي مش شايفة من كتر الدموع اللي بتنزل من قلبي مش عيني ، أنا تعبت تعبت أوي و إستحملت كتير أوي بس أنا إنسانه عندي طاقة مش قادرة استحمل كل ده لوحدي ، أنا بس كنت محتاجة حد يطبطب عليه وياخدني ف حضنه أنا عمري ما حسيت ب حنيه أم ولا أب ولا أخوات ولا أصحاب، أنا عايشه لوحدي حرفياً رغم وجود الناس دي حوليا انا لوحدي والوحده وحشه اوي ومُتعبه أوي أنا اتهلكت واتأذيت واتخذلت من اقرب ناس ليا و ف الاخر يتقالي معلش ، محدش يكلف نفسه يفكر فيا ولا يفكر ف إحساسي، أعيش ليه ، أعيش لمين ، انا ف الوقت ده كنت عاوزه بس اللي يحسسني اني استاهل أتحب و ان حد يفضل معايا عشاني عشان بيحبني».

تفاصيل رسالة كتبتها فتاة الدقهلية قبل إنهاء حياتها بحبة الغلة السامة

وأضافت «أنا  حاربت الناس كلها عشان ابقى كويسة وكل محاولاتي فشلت، اتاكدو اني موصلتش لهنا بسهولة  كده لا والله انا عافرت عشان موصلش بس للاسف الحزن كان أقوي مني أتمني ربنا يسامحني و يحاسبني ع تعبي وقلة حيلتي مش ع عدم إيماني به ، حاجه أخيرًا أنا كنت لوحدي ودلوقتي لوحدي ف أتمني محدش من أهلي يحضر جنازتي لاني ماشيه زعلانه زعلانه منهم كلهم ومش مسامحه ف حق نفسي ابداً ، ادعولي بالرحمه أفتكروني بالخير وأتمني متنسيش زي ما كنت منسيه وقولو للشخص اللي ختم نهاية حياتي انه كان أملي الوحيد و للاسف خذلني ، عرفوه إني كنت بحبه عرفووه اني خلاص فارقت الدنيا دي وأنا حزينه و زعلانه على نفسي».

واختمت حديثها  : هيعرف بالصدفة  أني موت زيه زي ناس كتير اوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحيااة كلها ، ادعولي ربنا يسامحني و محدش يقولي ماتت كفره لان الكُفر هو اني افضل عايشه مأذيه و منسيه و وحيده . 

بلاغ بالواقعة 

البداية عندما تلقى اللواء مروان حبيب مدير أمن الدقهلية إخطاراً من مدير المباحث الجنائية يفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعي " رنا . ج " 22 عاماً ، مصابة بحالة إعياء شديدة نتيجة تناولها «حبة الغلة السامة».

النيابة العامة 

وانتقل على الفور ضباط المباحث الجنائية وتبين مصرع الفتاة وذلك لمرورها بحالة نفسية سيئة وتعاني من إكتئاب بسب معاملة أهلها ، وتحرر عن ذلك المحضر للازم و جاري العرض علي النيابة العامة.