زوجة أورتيجا تعلن إنفصالها عنه عبر انستجرام "دي آخر طلقة وبتمناله الخير"

أعلنت زوجة مغني المهرجانات أورتيجا، انفصالها عنه بشكل نهائي، عبر حسابها الرسمي بموقع تبادل الصود والفيديوهات الشهير انستجرام 

تحيا مصر يرصد لكم انفصال أورتيجا عن زوجته 

وكتبت كارولينا قنديل زوجة أورتيجا عير خاصية ستوري: أنا اتطلقت يا جماعة ومعلش عارفة إنى زهقتكوا معايا بس خلاص مفيش زهق دي آخر طلقة. 

وتابعت: وبتمنى التوفيق لأورتيجا في حياته وإحنا أصدقاء وهنفضل أصدقاء والعمر كله هيفضل أبو أولادي المحترم وأحسن أب في الدنيا كلها.

أزمة أورتيجا 

وقد كشف أورتيجا في مايو الماضي، عن الأزمة التي يمر بها حاليًا ووجود أشخاص يحاربونه لقطع رزقه وتشويه صورته أمام جمهوره.

كشف أورتيجا تفاصيل أزمته وما يتعرض له من خلال موقع التواصل الاجتماعي فيسبوك وكتب في منشور عبر صفحته الرسمية قائلًا: “يا جدعان هو اللي بيأذي حد في أكل عيشه، وبيحارب علشان يخليني ماشتغلش، وأكونتات بتتسرق مني وناس قاعدة 24 ساعة بتشتم عمال على بطال”.

وأضاف: “نحب نقول إيه للناس دي.. وأنا عرفت كل حاجة علشان ربنا كبير أوي وكل حاجة بتبان، حتى ولو بالصدفة افرح لك يومين علشان مش بتدوم.. واللي جاي والله صدقني بيجيب جلطة.. أنا دايمًا في حالي، ومحدش بيسمع عني حاجة ولا ليا في النوش”.

وتابع أورتيجا تعليقه: “بس تقريبًا هتصحوا الشخص التاني اللي جوايا اللي بيحب النوش، علشان الطيبة في الزمن ده مش بتنفع، ده اللي اكتشفته، أورتيجا الطيب بح”.

وفاة والدة أورتيجا

ومن ناحية أخرى، كانت والدة أورتيجا قد رحلت عن عالمنا في شهر مارس الماضي، واستقبل الفنان ومطرب المهرجانات أورتيجا عزائها في مسجد الخلفاء الراشدين الذي يقع في منطقة مصر الجديدة.

وحرص على حضور عزاء والدة أورتيجا كلا من صديقيه أوكا وحودة بندق وعدد كبير من الحضور لتقديم واجب العزاء له، ومساندته في وفاة والدته.

وظهر عليه في العزاء أيضًا علامات الحسرة والألم، خلال استقباله واجب العزاء، وكان قبلها قد علق على قرار نقابة المهن الموسيقية، بشأن وقف مطربي المهرجانات من خلال لقاء تلفزيوني له.

وقال أورتيجا خلال لقاء تلفزيوني سابق له ببرنامج et بالعربي وهو يكشف رأيه في قرار نقابة المهن الموسيقية: إن النقابة موفقة في هذا القرار، أنا مع النقابة في إننا مش عاوزين كلمات مسفة ومخلة؛ لأن الأطفال بقوا متفاعلين على السوشيال ميديا بشكل كبير”.