خُفت لقطر الجواز يعدي.. طبيبة لمحكمة الأسرة: "جوزي خد تحويشة العمر وسابنى وخلع"

"خد مني 50 ألف جنيه عشان يشتري عربية و بعدها اختفى ومعرفش عنه حاجة".. بتلك الكلمات بدات الطبيبة في سرد تفاصيل حياتها الزوجية من داخل محكمة الأسرة، بعد زواج دام ما يقرب من اثني عشر عاما.

مشاهد مرعبة من داخل عقار عزبة أبو حشيش المنهار..الأهالي: وقع ٣ الفجر .. وبه شروخ منذ 3 سنوات|القصة كاملة

«ذئب بشري بدرجة عجوز بالمعاش»..المتهم هتك عرض الطفلة منى أثناء نومها.. تفاصيل

كنت دائما ارفض العرسان

سردت السيدة لـ تحيا مصر تفاصيل حياتها قائلة:" انا متخرجة من كلية الطب وكنت دايما ارفض العرسان عشان أعمل لنفسي مستقبل وأوصل إلي وظيفة مشرفة، وبالفعل بقيت دكتورة أشعة وليا أسمي، لحد ما لقيت العمر يجري بيا ووصلت لسن الثلاثين و العرسان اللي كانوا بيتقدمولي في الأول اتجوزوا و صحابي كمان كلهم اتجوزوا.

شغال مقاول وانا دكتورة

وتابعت السيدة ، في 2012 اتقدملي "جوزي"، ورفضته أول مرة عشان خريج معهد وشغال مقاول على قده، بس اهلي قالولي دي ممكن تكون فرصتك الأخيرة للجواز متضيعهاش، و بالفعل وافقت عليه رغم أنه سلوكه ومستواه كان أقل مني بكتير ".

أنا اللي كنت بصرف عليه

واستكملت:" احنا من الشرقيه بس لما جيت اتجوز أختارنا الشقة في حدائق الأهرام، و أنا اللي اشتريتها بفلوسي وجهزتها كلها وقلت أعديها يمكن الظروف معاه مش سامحة وبعد الجواز الأمور تتغير، بس ياريتني ما طاوعت أفكاري، بقي مشيلني أنا المسؤولية كلها، حتى لما ربنا أكرمني وأنجبت منه 4 صبيان، أنا اللي كنت بصرف علي كل احتياجاتهم وكنت بقوم بدور الأب والأم ليهم ".

أخذت قرض بـ 50 ألف جنيه وخدهم وهرب

وأختتمت السيدة حديثها لـ تحيا مصر:"في الفترة الأخيرة "قال لي":"أنا تعبت من تكاليف المواصلات اللي بصرفها على الشغل كل يوم رايح جاي ونفسي أشتري عربية و محتاجك تساعديني".

واستطردت، انا عشان اتعودت اني ألبي إحتياجاته وافقت وطاوعته، بس مكنش معايا الفلوس كلها اللي طالبها مني، اضطريت اخد قرض من البنك  50 ألف جنيه، ومنذ تلك اللحظة أنا معرفش عنه أي حاجة لا أنا ولا أبنائي أخذ الفلوس وهرب.

نفسي أطلق 

وطالبت السيدة، “انها نفسها تطلق منه ويرسل النفقة لأبنائها عشان من حقهم انهم يتعلموا و يدخلوا مدارس خاصة لتأمين مستقبلهم".