صاحب تحدي شيرين عبدالوهاب: مكنش هدفي التريند.. وقصتها هتبقى مُلهمة لملايين النساء لو قبلت التحدي

أثار المدرب مينا سمير الجدل في الأيام الماضية عندما خرج ليتحدى المطربة شيرين عبد الوهاب بإخفاض وزنها في خلال 6 أسابيع فقط، مشيرا إلى أنه إذ لم ينجح سيعتزل مهنته نهائيا، ما أثار الأمر تساؤلات الجمهور، فكيف يضحي شخص بمصدر دخله في سبيل تحدى كهذا مرجحين أنه يستغل أزمة الفنانة بهدف ركوب التريند، وتواصل موقع تحيا مصر مع المدرب الشهير ليكشف تفاصيل الفكرة.

مينا سمير: هدفي من البوست إني أشجع شيرين عبد الوهاب على الرياضة

قال مينا سمير في حواره لموقع تحيا مصر، كاشفا عن فكرة تحديه لشيرين عبد الوهاب فقال: انا كتبت بوست على الفيس بعلن فيه تحدي مع شيرين عبد الوهاب، والبوست عمل تفاعل كبير جدا، ةأنا مقدرش أثبت أنا داخل التحدي ولا لحد دلوقتي، وأكيد الفنانة شيرين ليها التيم بتاعها، وهي اللي تقرر كدة دي حاجة  مقدرش أتدخل فيها.

وتابع كابتن مينا حديثه: في ناس بتبقى محتاجة حد يشجعها وأنا شغلتي في التمرين إني بشجع الناس انها تنزل تمارس رياضة، فكان الموضوع كله إني أشجع الناس وأحفزهم نفسيا قبل بدنيا وهو ده كان الهدف من المنشور بتاعي.

مينا سمير عن تحدي شيرين عبد الوهاب: مكنش هدفي التريند

ورد كابتن مينا على متقديه بشأن قيامه بهذا التحدي رغبة في ركوب التريند وزيادة شهرته، فقال: التحدي طلع تريند، بس أنا مكنش هدفي التريند خالص، وأنا مش شرط ادخل التحدي، وجالي عائد تاني إن فين ناس تانية صدقت ده وجتلي عشان تخس وتلعب رياضة.

وأضاف: أنا بحاول ديما أشجع البنات والسيدات في مصر إنها تلعب رياضة والأطفال كمان لأن شغلتي في الأساس قائمة على التشجيع.

مينا سمير: لو شيرين قبلت التحدي هطلع كل خبرتي فيها عشان الناس تصدقني

وكشف مينا سمير عن استعداداته في حالة قبول شيرين عبد الوهاب تحدي إنقاص وزنها، فقال: الموضوع هيبقى تحدي ليا أكتر وهيخلي ناس كتير تصدقني فهطلع كل خبرتي في شيرين عبد الوهاب، والنتائج وقتها اللي هتتكلم.

وعن حقيقة اعتزاله إذ لم ينجح في تلك التجربة، فأشار مينا سمير بأنه لا يدخل تحدى إلى إذ كان واثقا تماما في ما يقوله، وأنه سيفوز بهذا التحدي لا محال.

مينا سمير يكشف خطته في انقاص وزن شيرين عبد الوهاب 6 أسابيع

ورد مينا سمير على تساؤلات الجمهور، بشأن كيفية انقاص الوزن والوصول لجسم مثالي في 6 أسابيع فقط، فقال: 6 أسابيع لأي شخص في الإلتزام كفيلة إنه يوصل لأي هدف هو عايزة، والوقت بيختلف من شخص لآخر حسب الإرادة والعزيمة وحرقه، والأمراض النفسية والجسدية اللي بيمر بيها، وقابلية الجسم للتمارين، ولكن الإرادة ممكن تعمل اي شيء.

وعن حالة شيرين عبد الوهاب فقال: أنا كنت عايز أشجعها فقط، وأخليها تنزل تمارس رياضة كجزء من التشجع لكن الوقت اللي هترجع فيه ده حاجة مش بأيديا، بس أنا 6 أسابيع بالنسبالي كافية إني أخلى عندها إرادة وإلتزام.

مينا سمير: استغربت كم الناس اللي بتحب شيرين عبد الوهاب وقصتها هتبقى ملهمة لملايين النساء

واختتم مينا سمير حديثه، موجها رسالة المطربة شيرين عبد الوهاب، مشيرا إلى أنه من محبيها ويراها جميلة في كل الأوقات كما أنه تعجب من شدة حب الناس لها الذي يعيشون معها حياتها الشخصية والفنية وبيعتبروها جزء منهم، مؤكدا أن الرياضة مهمة في جميع الحالات وأنه تأخذ بيد الشخص إلى عالم أفضل وأفضل لما هو عليه.

واضاف: قصة شيرين عبد الوهاب هتبقى ملهمة لملايين النساء في العالم لو قامت ووقفت على رجليها من تاني، وان ربنا يبقى مديك فرصة انك تبقى شخص ملهم مينفعش تضيعها الناس بتعشق تشوف شخص مكسور قام، وبتعشق تشوف شخص كان هيقع وقدر يقوم تاني، هما مستنين اللي يقولهم أن الموضوع بيتحقق.