زوجة شريف منير تثير الجدل من جديد: "بقول للقلة عديمي الانسانية كلامكم زي الهوا"

عادت الفنانة لورا عماد، زوجة الفنان شريف منير لتثير الجدل مرة أخرى، عبر صفحتها الرسمية بموقع تبادل الصور والفيديوهات انستجرام، بعدما خرجت في وقت سابق وهاجمت ابنتيها بعدم سؤالهم عنها، الأمر الذي تجاهله عائلة شريف منير بأكمالها.

تحيا مصر يرصد في ذلك التقرير رسالة جديدة من زوجة شريف منير تثير الجدل

زوجة شريف منير: “شكرا لكل اللي دعموني ولـ عديمي الإنسانية كلامكم هوا”

كتب زوجة شريف منير، عبر انستجرام: “ شكرًا لكل من دعمني نفسيًا وحس بإحساس الأم، وبقول للقلة القليلة عديمي الإنسانية، أن تعليقاتكم ما كانت سوى شوية تراب في الهوا”.

زوجة شريف منير: مش هسمح إن صفحتي تبقى ساحة للمتطرفين دينيا

وتابعت زوجة شريف منير حديثها، كاشفة عن سبب حذفها منشور هجومها على ابنتيها، فقالت: “ أنا قررت أشيل البوست لأن مش هسمح أن صفحتي تبقى ساحة لبعض المتطرفين دينيًا، وبقول روحوا ناقشوا تطرفكم في حتة تانية”.

أزمة زوجة شريف منير مع بناتها

جدير بالذكر، أنه بدأت أزمة زوجة شريف منير مع ابنتيها، عندما شاركت فيديو مع الجمهور عبر انستجرام، قالت فيه: "رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!"

وتابعت: “بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي”.

من جانبه ردت عليها ابنتيها من خلال خاصية التعليقات على المنشور، فكتبت فريدة: "ليه بتعملي كده؟ ليه بتخلي شكلنا كده قدام الناس؟"، في حين كتبت ابنتها كاميليا: “عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده”.