ميار الببلاوي عن تصريحاتها الأخيرة بشأن شيرين عبد الوهاب: “اللفظ خانني وهطلع أعمل عمرة عشان ربنا يغفرلي”

تحدثت الإعلامية ميار الببلاوي عن الهجوم الذي واجهته بعد تصريحاتها الأخيرة بشأن ظهور الفنانة شيرين عبد الوهاب بوزن زائد في إحدى حفلات تخرج الجامعات الخاصة، كما عبرت عن ندمها الشديد في إحدى المداخلات الهاتفية 

ميار الببلاوي بشأن تصريحاتها الأخيرة عن وزن شيرين عبد الوهاب 

- زعلت على شيرين لما شفتها كده ويمكن خانني اللفظ

- الشيخ قال لي ده نوع من الغيب واتصدمت وانهرت على الهوا

- يمكن أطلع عمرة قريب جدًا عشان أستغفر عن الموضوع ده 

- الشيخ عنفني وقال لي إنتي ست معاكي دكتوراه في الفقه وما ينفعش كده

- لما اتكلمت كده كنت برد دين

- لما اتطلقت لاقيت واحدة قعدت جنبي في المسجد قالت لي الكام كلمة اللي قلتهم لشيرين 

- عشان كده كنت عايزة شيرين تقف على رجليها.

-  حسام حبيب مستمتع وبيهيص ويفرح ويضحك 

- هي منهارة ومتدمرة وبتاخد أدوية اكتئاب وبتتعالج نفسيا ووزنها يزيد ومش مهتمة بنفسها 

- النصيحة اتقلبت عليا وواحدة شتمتني شتايم صعبة وقالت لي هخلي شيرين تديكي بالجزمة 

رسالة ميار الببلاوي لـ شيرين عبد الوهاب

وكانت قد جهت الإعلامية ميار الببلاوي رسالة للفنانة شيرين عبد الوهاب خلال الأيام القليلة الماضية، عن طريق فيديو عبر حسابها الرسمي بفيسبوك، بعد ظهورها بوزن زائد خلال إحيائها حفل تكريم بإحدى الجامعات الخاصة خلال الأيام الماضية

وقالت ميار الببلاوي لـ الفنانة شيرين عبد الوهاب عبر حسابها الرسمي بموقع التواصل الإجتماعي فيسبوك: شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم.

وتابعت ميار الببلاوي: اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك.

وأردفت الببلاوي: مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك.