نوال الزغبي: أنا ضد أنه الإنسان يحكي عن معاناته للعالم.. وهكذا علاقتي بشيرين عبد الوهاب

كشفت المطربة اللبنانية نوال الزغبي عن طريقتها في التعامل مع الناس عبر منصات التواصل الاجتماعي المختلفة، بالإضافة إلى رأيها في ردود الأفعال على أغنيتها الجديدة “حفلة”

تحيا مصر يرصد أبرز تصريحات نوال الزغبي

حيث قالت نوال الزغبي في تصريحات تلفزيونية لها: “الضربة القوية بتيجي من ربنا مش مني أنا، كل واحد بياخد نتيجة أفعاله، بعمل بلوك للناس قليلين الأدب مش السلبيين، وأنا بالنسبالي صفحاتي اللي على السوشيال ميديا مثل بيتي، أنا بس بدي أفتح الباب لاستقبل العالم، يا بدي استقبلهم وهما بيشبهوني يا ما بدي إياهم”.

أغنية “حفلة” لنوال الزغبي

وأكدت نوال على أنها تعتبر نجاح أغنية “حفلة” كنجاح أول أغنية لها، حيث قالت: “أنا بقالي 30 سنة بالفن وكل ما بنجح نجاح بحس حالي أنه كأول مرة نجحت، يعني حفلة بالنسبة لي كأول أغنية بتنجح لي، وهدا الشعور كتير حلو لأنه على طول عندي هاجس وخوف من الأعمال ياللي بدأ تنزل بعدها، وكل فنان بيتمنى أنه تكون أغنيته هيت 2022”.

وتابعت نوال: “وفي الاغنية ما وجهت رسالة للإمرأة المعنفة، أنا وجهت رسالتي إلى الإمرأة اللي الرجال ما بيصونها وبيحترمها، وبعد ما وصلت للتعنيف، لأن التعنيف غير موضوع، وأكيد في مواضيع جديدة بحضرلها وإن شاء الله خير، فأنا حاليًا بحضر لأغنية مصرية وما راح أحكي عنها لأنه صرت بتفائل أكتر أنه ما أحكي على الأغاني”.

نوال الزغبي وشيرين عبد الوهاب

وفي إطار آخر كشفت نوال الزغبي عن رأيها بأزمة شيرين عبد الوهاب الأخيرة، حيث قالت: “أنا ضد أنه الإنسان يحكي عن معاناته للعالم لأنه فيه أشياء شخصية أنا ضد أنه الناس تعرفها لأن اللي بين أربع حيطان بيضل بيع أربع حيطان، بس غير هيك كل واحد عنده شخصية وكل واحد عنده تفكير معين، وأنا بحترم وجهة نظرها وخصوصيتها، وشيرين صديقة وأخت لي وعشرة عمر وفيه معزة كتير كبيرة وهي بتعرف هالشي، وأغنية حفلة جت على الجرح عند شيرين وأنا دايما بقول لشيرين ولغير شيرين يا تعيشي لحد يصونك يا تعيشي لنفسك بس”.