بنتكلم كل يوم وبحسه ضنايا.. تصريحات شيرين عبد الوهاب عن أيمن بهجت قمر

تحدثت الفنانة شيرين عبد الوهاب عن علاقتها بالشاعر الغنائي، والسيناريست أيمن بهجت قمر، خلال مداخلة هاتفية ببرنامج معكم منى الشاذلي على قناة cbc

تصريحات شيرين عبد الوهاب في معكم 

• خطوة جميلة إن أيمن ياخد البكالوريوس دلوقتي
• أعرفه من 20 سنة من أول أغنية بحبك
• أيمن ده بحسه ضنايا
• هو طفل كبير وبسيط جدًا وبيخلي باله من صحابه
• وقف معايا في أزمتي الأخيرة وقفة كبيرة
• هنعمل فيلم كوميدي وعاملين أغاني كتير الفترة الجايه
• أحنا مرتبطين جدًا ببعض وبنتكلم كل يوم

طبيب شيرين عبد الوهاب

وقد تحدث طبيب شيرين عبد الوهاب عن كواليس استعداد الفنانة لحفلها بمهرجان قرطاج في دورته الـ 56، الذي تألقت بها وحصلت خلال على إشادات عريمة من قبل الجمهور.

وقال الدكتور نبيل عبد المقصود خلال لقائه بموقع تحيا مصر: “ شيرين كان عندها رهبة قبل حفلها بمهرجان قرطاج، لظروفها القاسية اللي مرت بيها فكانت محتاجة دفعة إيجابية ”.

وتابع الطبيب المعالج لـ شيرين عبد الوهاب حديثه، فقال: “تلقت شيرين الدفعة واستثمارتها وأظهرت ابداع غير مسبوق في المهرجان، هي كانت محتاجة فقط لحد يسمعها وياخد بإيدها عشان يقدر يوصلها لبر الأمان وكان عندها ايرادة واستعداد قوي للخروج من تلك الازمة”، مؤكدا للجمهور أنها ستخرج بالعديد من الأعمال الفنية خلال الفترة القليلة المقبلة.

ميار الببلاوي تهاجم شيرين عبد الوهاب 

من ناحية أخرى، كانت قد خرجت الإعلامية ميار الببلاوي لمهاجمة المطربة شيرين عبد الوهاب، وذلك بعد ظهورها في حفل ختام مهرجان قرطاج، اذ قالت في فيديو بث مباشر عبر صفتحتها الرسمية بموقع التواصل الإجتماعي “فيسبوك”: “شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم، اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك”.

وتطاولت الببلاوي على شيرين، فقالت: “مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك".