محمد نور لـ الموسيقيين: حمو بيكا ميقصدش الكلام اللي قاله.. وهجيبه ليكم نحل القصة

أعرب المطرب الشاب محمد نور عن استيائه من كلام مطرب المهرجانات حمو بيكا الأخير عن نقابة المهن الموسيقية وأعضائها، مشيرًا إلى أن حمو بيكا لم يقصد الإهانة وسيبدأ صفحة جديدة مع النقابة.

تحيا مصر يرصد أبرز تصريحات محمد نور عن حمو بيكا

حيث نشر محمد نور مقطع فيديو له عبر حسابه الشخصي على موقع تبادل الصور والفيديوهات “إنستجرام”، وقال فيه: “اتفرجت امبارح على الفيديو اللي عمله حمو بيكا اللي بيتكلم فيه عن نقابة المهن الموسيقية، الحقيقة الكلام مش صحيح لأن هما ناس محترمين ومؤدبين هما أهلنا ومتربيين في وسطهم بقالنا سنين وشوفنا منهم كل خير ومتعاونين جدٍا جدٍا”.

وتابع قائلًا: “أي حد في أعضاء النقابة بتطلب منه حاجة إنشالله الساعة 6 الصبح بيرد عليك، ولكن أنا بردو في نفس الوقت مش بعتب عليه لأنه عنده حالة غضب، وفي وقت الغضب الواحد ممكن يقتل ويرجع يندم تاني”.

محمد نور يبادر بمصالحة الموسيقيين وحمو بيكا

وأكد محمد نور أثناء الفيديو أن حمو بيكا لم يقصد الكلام الذي قاله عن النقابة، حيث قال نور: “وأنا متأكد أنه ميقصدش خالص لأنه طيب جدًا وفي حالة زي ما الناس عارفين، ولكن هو صعب عليا لما قال نفسي اشتغل فأنا بعتذر لأعضاء النقابة وبقولهم واحد واحد وعلى رأسهم الاستاذ أحمد رمضان، وحمادة أبو اليزيد بالنيابة عنه وعفى الله عن ما سلف، وإن شاء الله نبدأ صفحة جديدة”.

وأضاف قائلًا: “أنا محدش عارفة أني هتكلم في الموضوع دا خالص دلوقتي لا هو ولا النقابة، فأنا بكرر اعتذاري لكل أعضاء النقابة واحد واحد على اللي حصل، وهو هيكتب لكم اعتذار إن شاء الله وأنتم هتقبلوا اعتذاره وأنا هجيبه وهجيلكم ونحل القصة دي كلها من غير محاضر”.

أزمة حمو بيكا الأخيرة مع نقابة المهن الموسيقية

ومن الجدير بالذكر أن حمو بيكا ظهر في بث مباشر له عبر حسابه الشخصي على موقع التواصل الاجتماعي “فيسبوك”، وعبر فيه عن غضبه الشديد من النقابة بسبب قرار وقفه عن العمل، كما أنه تفوه بألفاظ تسيء للنقابة ولأعضائها".