طبيب شيرين عبد الوهاب ينفعل على منتقدي وزنها الزائد: “بصوا على الجوهر وادعموها”

انفعل طبيب الفنانة شيرين عبد الوهاب على منتفدي وزنها الزائد الذي أثار الجدل في الأيام الماضية وعرضها لحملة هجوم شنيعة، وذلك خلال لقائه بموقع تحيا مصر، موجها رسالة قاسية للجمهور.

تحيا مصر يرصد في ذلك التقرير سبب انفعال طبيب شيرين عبد الوهاب على الجمهور ومنتقدي وزنها الزائد

طبيب شيرين عبد الوهاب ينفعل على منتقدي وزنها الزائد

قال الدكتور نبيل عبد المقصود المتخصص في علاج التسمم والإدمان، والطبيب النفسي الخاص لـ شيرين عبد الوهاب، ردا على أسألة الجمهور بشأن وزنها الزائد: "عايزين نبص للإيجابيات الصوت والإلقاء وحب الناس ليها في المهرجان ازاي بتبصوا للوزن الحاجات دي مش حاجات اساسية دي شكلية احنا يهمنا الجوهر.. اقفوا جنبها وساندوها وساعدوها وإدوها طاقة إيجابية"..

وتابع حديثه: “شيرين عبد الوهاب كانت محتاجة حد يسمعها وياخد بإيدها عشان يقدر يوصل لبر الإمان وكان عندها ايرادة واستعداد قوي للخروج من تلك الازمة وهتشوفها في الفترة الجاية  باذن الله أقوى”.

طبيب شيرين عبد الوهاب: “كان عندها الرغبة في البعد عن العالم”

وسبق وأن صرح طبيب شيرين عبد الوهاب لـ برنامج “حضرة المواطن”، قائلا: "شيرين قابلتها مشاكل كثيرة أثرت فيها جدا، وخلتها تنعزل العالم وتفضل في بيتها ومش عايزة تتواصل مع أي شخص ودا أثر بالسلب على صحتها”.

وعن حقيقة علاجها من الإدمان فقال: "بلاش ندخل الموضوع في منطقة الإدمان لأن حالة شيرين ملهاش علاقة بالإدمان، والنجاح اللي حققته شيرين في قرطاج واستقبال جمهورها ليها اداها قبلة الحياة، ودي مجرد البداية شيرين راجعة بقوة".

أخر اعمال شيرين عبد الوهاب

من ناحية أخرى، كانت أخر أعمال شيرين عبد الوهاب الغنائية أغنية “خاصمت النوم”، التي أتت كلماتها: "بعدك ما ارتحتش يوم.. ونسيت وخاصمت النوم.. أنا لسه مكاني ولا اتحركت بفكر فيك.. هكذب لو قلت بخير.. بصراحة أنا وجعي كبير.. ما تقولش إن إنتَ نسيتني وعادي وهُنت عليك.. يرضيك يعني أعيش ما فيش ولا أي حاجة نفعاني عشان أنساك.. ما أنا أصلا روحي معاك أنساك إزاي وبإيه.. ريَّح قلبي قول حلول خلينا نرجع ثاني بلاش وداع.. وكفاية وقت ضاع ما البعد.. بنتعب فيه.. آه.. فاكر أيامنا زمان.. قعدتنا في كل مكان.. وكلام و وعود إننا عمرنا ما نفارق بعض.. طب ليه يا حبيبي مشيت.. لا رجعت لي ولا حنيت.. وسايبني لوحدي بكلم نفسي في عز البرد.. يرضيك يعني أعيش ما فيش ولا أي حاجة نفعاني عشان أنساك.. ما أنا أصلا روحي معاك أنساك ازاي وبإيه.. ريَّح قلبي قول حلول خلينا نرجع ثاني بلاش وداع.. وكفاية وقت ضاع ما البعد بنتعب فيه".