حمو بيكا: حسبي الله ونعم الوكيل في كل واحد واقف في طريقي

عبر مطرب المهرجانات حمو بيكا عن غضبه واستيائه من قرار إيقافه عن العمل لسنوات، في ظل تواجد عدد من مطربي المهرجانات على الساحة الفنية دون حيازة كارنيه النقابة.

تحيا مصر يرصد أبرز تصريحات حمو بيكا

حيث قال حمو بيكا في بث مباشر له عبر صفحته الشخصية على موقع التواصل الاجتماعي “فيسبوك”: “حسبي الله ونعم الوكيل في العصابة، حسبي الله ونعم الوكيل في كل واحد واقف في طريقي وفي كل واحد بيأذيني، هو أنا عشان مدفعتش مشتغلش، طب قولولي انتوا عايزين كام”.

وتابع قائلًا: “احنا بلدنا فيها قانون والقانون دا على دماغي، بس أنا رافع قضية بقالها كتير، قضية رشوة وقضية ابتزاز وقضيتي لغاية دلوقتي معرفش ايه اللي حصلها، هو مفيش غيري، أنا كل يوم بيعدي عليا بنار”.

حمو بيكا: مكنتش حابب أدفع عشان أخش

كما كشف حمو بيكا أن هناك عدد من مطربي المهرجانات يدفعون أموال في مقابل الغناء، حيث قال: “فيه ناس كتير وقفت جمبها وساعدتها بس كل الناس دي اتفرقت بعيد عني، بس أنا مش زعلان بردو، وفيه ناس كتير دفعت وعدت بس أنا مكنتش حابب كدا، مكنتش حابب ان انا ادفع عشان اخش”.

وتابع قائلًا: “تعبان ومخنوق من ناس معينة، أشوف فيهم أمراض الدنيا يارب وواحد بالذات مش هقول اسمك عشان الناس عارفينك، نصاب عالمي كبير، وأنا لو شوفتك مش عارف هعمل معاك ايه”.

حمو بيكا يوجه رسالة للمسئولين

وحرص حمو بيكا على توجيه رسالة لأحد المسئولين لمساعدته في أزمته، حيث قال: “وبوجه رسالتي لأي مسئول في الدولة أنا والله العظيم تلاتة أنا تعبت واتخنقت ومحدش حاسس باللي جوايا، كل يوم بيعدي عليا بقول يارب الحمد لله أن اليوم دا عدا عليا بخير”.

وأضاف: “ناس كتير شغالة مش معاها كارنيهات أصلا، وانتوا حاطيني في دماغكم ليه، وكل ما أجي اتكلم تعملولي قضية، وأسرع واحد يتحكم عليه في الدنيا أنا، ومش بشوف حقي بيجي، والله العظيم مش هسيب حقي لو هموت”.

وتابع: “أنا ابن مصر مش أجنبي من برا وبحمل الهوية المصرية وهشتغل هنا وهشقى هنا وهموت هنا وهتدفن هنا، وممكن أبقى أجنبي وأخد جنسية من برا عشان أشتغل بس مش هعمل كدا”.