إسلام إبراهيم يهاجم والد المطرب النقاش: “مش بنخلف عيالنا عشان نستعبدهم وهتتسأل عليهم قدام ربنا"

شن الفنان اسلام إبراهيم هجوم شنيع على والد المطرب النقاش أحمد سالم، الذي ذاع صيته منذ يومين بسبب فيديو تداوله رواد السوشيال ميديا وهو يغني أثناء عمله بصوت عذب على أنغام فيروز.

تحيا مصر يرصد في ذلك التقرير سبب هجوم إسلام إبراهيم على أحمد سالم، المطرب النقاش

إسلام إبراهيم يهاجم والد أحمد سالم

كتب إسلام إبراهيم عبر حسابه الرسمي بموقع تبادل الصور والفيديوهات “انستجرام”، مرفقا صورة الشابين أصحاب الأصوات العذبة: “انا عارف ان الكلام اللي هقوله ده ممكن ميعجبش ناس كتير بس انا شايف الترند ده من زاوية تانية خالص، فكرة انك ربنا يرزقك بشابين زي دول ينطبق عليهم كلمة شباب زي الورد لانهم ربنا كارمهم بالوسامة والموهبة والصوت الحلو وعندهم المؤهلات انهم يكونوا نجوم ومتحاولش تساعدهم انهم يحققوا حلمهم او يعملوا الحاجة اللي بيحبوها وتفرض عليهم قيود ومسؤليات مش بتاعتهم زي ان هما يجهزوا اخواتهم البنات اللي اكبر منهم حضرتك البنات دول انت اللي خلفتهم مش هما والحياة دي حياتك انت مش حياتهم هما”.

إسلام ابراهيم عن المطرب النقاش: “مش أي حد عنده الموهبة دي”

وتابع إسلام ابراهيم حديثه، قائلا: “إنك تفرض عليهم يكونوا نقاشين وده مش تقليلا من مهنة النقاش اكيد هي مهنة عظيمة وشريفة لكن اي حد مش موهوب يقدر يشتغلها لكن مش اي حد عنده الموهبة والصوت ده”.

إسلام إبراهيم لـ والد المطرب النقاش: “مش بنخلف العيال عشان نستعبدهم”

واختتم إسلام إبراهيم حديثه، فقال: “خلاصة الكلام احنا مش بنخلف العيال عشان نستعبدهم احنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة واي ابن بيفتح بقه او يعترض علي حاجة مش عجباه بيبقي ابن عاق كمان الولاد امانة هتتسأل عليها قدام ربنا”.

من ناحية أخرى، كانت اخر أعمال الفنان إسلام إبراهيم مشاركته في مسلسل “راجعين يا هوى”، الذي عرض ضمن السباق الرمضاني 2022، وشارك في بطولة العمل كلا من  هنا شيحة، خالد النبوي، نور اللبنانية، طارق عبد العزيز، أحمد بدير، نور النبوي وفاء عامر وانوشكا، وسلمى أبو ضيف وآخرين.