"كنتي قمر".. فيفي عبده وشيماء سيف يدعمان شيرين بعد حفلها في قرطاج

حرص عدد من نجوم الفن على دعم المطربة شيرين عبد الوهاب بعد تألقها في حفلها التي أحيته في مساء أمس السبت ضمن حفل ختام مهرجان قرطاج في دورته الـ 56.

تحيا مصر يرصد في ذلك التقرير دعم نجوم الفن لـ شيرين عبد الوهاب بعد تألقها في مهرجان قرطاج

فيفي عبده وشيماء سيف يدعمان شيرين عبد الوهاب

شاركت الفنانة شيماء سيف فيديو للفنانة شيرين عبد الوهاب خلال الحفل، وعلقت عليها، قائلة: "قمر، بوس كتير وحضن كبير، بحبك"، في حين كتبت الفنانة  والراقصة فيفي عبده عبر خاصية “ستوري”، بموقع تبادل الصور والفيديوهات انستجرام: "بسم الله ماشاء الله عليك يا شيرين".

لقطات من حفل شيرين عبد الوهاب من مهرجان قرطاج

وجدير بالذكر، أنه أطلت الفنانة شيرين عبد الوهاب على جمهور تونس خلال حفل مهرجان قرطاج بـ إطلالة مثيرة للجدل، حيث ارتدت فستان أسود طويل ذا أكمام مكشوفة، واتسم التصميم بأنه متناسق مع قوامها، وجاءت تعليقات الجمهور على تلك الإطلالة: “ده بطانة ولا شفاف يا شيرين؟" وآخر: “أنتي تخنتي جدًا ولازم تخسي”.

وكانت من أبرز لطقات حفل شيرين عبد الوهاب في قرطاج هي تقبيل يد طبيبها الخاص، مع توجيه رسالة مؤثرة له، قالت فيها: “عايزة أشكر دكتوري، هو ده الدكتور اللي عالجني بجد، من إسبوعين أقول له مش هقدر أغني، قالي هتقدري وأنا هاجي معاكي"، ثم تطرقت شيربن عبد الوهاب لتقديم رسالة للجمهور، قالت فيها: “عايزة أقول كلمتين صغيرين أشكر فيهم الجمهور اللي رجعني تاني للحياة، وأشكر ناس معينين وقفوا معايا جدًا الفترة النفسية الأخيرة دي، وقد إيه أنا كنت ممتنة جدًا لسيادة السفير المصري أنا بغني بحضوره النهارده، وممتنة على دعوتي لمهرجان قرطاج اللي هو بيحيي أي إنسان ممكن يكون ميت".

أخر أعمال شيرين عبد الوهاب

جدير بالذكر، أنه كانت أخر أعمال شيرين عبد الوهاب الغنائية أغنية “خاصمت النوم”، التي أتت كلماتها: "بعدك ما ارتحتش يوم.. ونسيت وخاصمت النوم.. أنا لسه مكاني ولا اتحركت بفكر فيك.. هكذب لو قلت بخير.. بصراحة أنا وجعي كبير.. ما تقولش إن إنتَ نسيتني وعادي وهُنت عليك.. يرضيك يعني أعيش ما فيش ولا أي حاجة نفعاني عشان أنساك.. ما أنا أصلا روحي معاك أنساك إزاي وبإيه.. ريَّح قلبي قول حلول خلينا نرجع ثاني بلاش وداع.. وكفاية وقت ضاع ما البعد.. بنتعب فيه.. آه.. فاكر أيامنا زمان.. قعدتنا في كل مكان.. وكلام و وعود إننا عمرنا ما نفارق بعض.. طب ليه يا حبيبي مشيت.. لا رجعت لي ولا حنيت.. وسايبني لوحدي بكلم نفسي في عز البرد.. يرضيك يعني أعيش ما فيش ولا أي حاجة نفعاني عشان أنساك.. ما أنا أصلا روحي معاك أنساك ازاي وبإيه.. ريَّح قلبي قول حلول خلينا نرجع ثاني بلاش وداع.. وكفاية وقت ضاع ما البعد بنتعب فيه".