جمهور ضخم.. لقطات من حفل شيرين عبد الوهاب بختام مهرجان قرطاج

أحيت الفنانة شيرين عبد الوهاب حفلًا غنائيًا بحضور جماهيري ضخم، في ختام مهرجان قرطاج بتونس وقدمت عدد من أغانيها المشهورة وسط تفاعل كبير من الجمهور 

تحيا مصر يرصد لكم لقطات من حفل شيرين عبد الوهاب بختام مهرجان قرطاج 

شيرين عبد الوهاب بختام مهرجان قرطاج 

واعتمدت شيرين عبد الوهاب في الحفل إطلالة كلاسيك، حيث ارتدت فستان أسود طويل ذا أكمام مكشوفة، واتسم التصميم بأنه متناسق مع قوامها.

 ولكن تم انتقادها على هذه الإطلالة، وجاءت بعض التعليقات، كالآتي: “ده بطانة ولا شفاف يا شيرين؟" وآخر: “أنتي تخنتي جدًا ولازم تخسي”.

رسالة ميار الببلاوي لـ شيرين عبد الوهاب

وقد وجهت الإعلامية ميار الببلاوي رسالة للفنانة شيرين عبد الوهاب عن طريق فيديو عبر حسابها الرسمي بفيسبوك، بعد ظهورها بوزن زائد خلال إحيائها حفل تكريم بإحدى الجامعات الخاصة خلال الأيام الماضية.

وقالت ميار الببلاوي لـ الفنانة شيرين عبد الوهاب عبر حسابها الرسمي بموقع التواصل الإجتماعي فيسبوك: شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم.

وتابعت ميار الببلاوي: اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك.

ميار الببلاوي لـ شيرين عبد الوهاب: اتخضيت من وزنك 

وأردفت الببلاوي: مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك.

وأضافت ميار الببلاوي:  بناتك كده هيتعقدوا.. هيبقوا حاجة من الاتنين لما يرتبطوا، ياما هيبقوا عبيد تحت رجلين اللي هيرتبطوا بيه، ياما مش في أي علاقة، إحنا مستنينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة.. عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا.