بعد ظهورها بوزن زائد.. ميار الببلاوي لـ شيرين عبد الوهاب: "فوقي لنفسك"

وجهت الإعلامية ميار الببلاوي رسالة للفنانة شيرين عبد الوهاب عن طريق فيديو عبر حسابها الرسمي بفيسبوك، بعد ظهورها بوزن زائد خلال إحيائها حفل تكريم بإحدى الجامعات الخاصة خلال الأيام الماضية

تحيا مصر يرصد لكم رسالة ميار الببلاوي للفنانة شيرين عبد الوهاب 

رسالة ميار الببلاوي لـ شيرين عبد الوهاب

وقالت ميار الببلاوي لـ الفنانة شيرين عبد الوهاب عبر حسابها الرسمي بموقع التواصل الإجتماعي فيسبوك: شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لبساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم.

وتابعت ميار الببلاوي: اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك.

ميار الببلاوي لـ شيرين عبد الوهاب: اتخضيت من وزنك 

وأردفت الببلاوي: مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك.

ميار الببلاوي لـ شيرين عبد الوهاب: بناتك هيبقوا عبيد 

وأضافت ميار الببلاوي:  بناتك كده هيتعقدوا.. هيبقوا حاجة من الاتنين لما يرتبطوا، ياما هيبقوا عبيد تحت رجلين اللي هيرتبطوا بيه، ياما مش في أي علاقة، إحنا مستنينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة.. عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا.

شيرين عبد الوهاب توجه نصيحة للشباب الجامعي

ووجهت شيرين عبد الوهاب حديثها إلى الطلاب أثناء وقوفها علي المسرح، قائلة: “يا ريت متتجوزوش قبل ما تشتغلوا”.

وذلك خلال احتفال كلية طب وجراحة الفم والأسنان بإحدى الجامعات الخاصة، بتخرج طلاب العام الدراسي 2021ـ2022، والتي جاءت وسط حضور مجموعة من النجوم بعد شيرين عبد الوهاب،منهم الدكتور أشرف زكى، نقيب الممثلين، والنجوم روجينا وأحمد زاهر وحمادة هلال وسهر الصايغ ونجلاء بدر.