أسما شريف منير: ادعولي اتجوز تاني.. وعمري ما هتخلى عن الحب

صرحت أسما ابنة الفنان شريف منير الكبرى، حول رغبتها في الزواج مرة أخرى، في أحدث ظهور لها بالعرض الخاص لفيلم الدعوة عامة 

تحيا مصر يرصد لكم تصريحات أسما شريف منير حول الزواج 

أسما شريف منير حول الزواج

وقالت أسما شريف منير: ادعولي اتجوز تاني، وعمري ما هتخلى عن فكرة الحب والجواز والكلام ده، عشان حلال ربنا وهو ده الصح، وده اللي المفروض يحصل.

وقد انتشرت أنباء مؤخرا تفيد حدوث خلاف قوي بين أسما شريف منير ووالدها، وبدر عن كل منهما إلغاء متابعة الأخر كرد فعل منهم على هذا الخلاف، ولكن لم يعلن أي شخص تفاصيل خاصة بهذا الخلاف أو حقيقته.

أسما شريف منير عن خلافها مع والدها

وقالت أسماء شريف منير خلال حلولها ضيفة على برنامج arab wood، معربا عن استيائها من تلك الأنباء: ""كلنا بنتخانق مع أبونا ومامتنا، هو نزلي صورة عشان لقى الناس ظاطت وكبرت الموضوع لكن هو أبويا وسندي وضهري وكبيري وهيفضل كبيري طول عمري".

وسبق وأن ردت أسما شريف منير على هذا الخلاف من خلال نشر صورة تجمعها بوالدها عبر حسابها الرسمي بموقع تبادل الصور والفيديوهات انستجرام، قالت فيها: "لأخر يوم في عمري، كبيري، وأبويا، وصاحبي، وحبيبي"، من جانبه رد عليها الفنان شريف منير، قائلا: "أنا مش عارف ليه في ناس حاشرين نفسهم بيني وبينك، مايعرفوش أنك قاعدة جوا قلبي".

علاقة أسما شريف منير بوالدها

ويذكر أن أسما شريف منير تحدثت عن علاقتها بوالدها، فقالت: "علاقتي أنا وأبويا ناقر ونقير، أبويا برج الثور وأنا برج الحمل الاثنين طيبين بس سخنين ومتسرعين، عايزة أحكي لكم على موقف مهم جدا وأثر فيا، أبويا عمل حاجة إمبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل فيديو عنده على الإنستجرام بيطيب خاطري وبيقولي ما تزعليش قدام كل الناس، طبعا أنا كنت طايرة من الفرحة، ونسيت أصلا إني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع”.