"مبحبش الراجل اللي أي واحدة تعجبه".. هدى المفتي تكشف مواصفات فتى أحلامها

تحدثت الفنانة هدى المفتي عن مواصفات فتى أحلامها، وذلك أثناء حلولها ضيفة على برنامج “معكم” الذي تقدمه الإعلامية منى الشاذلي عبر قناة cbc.

تحيا مصر يرصد في ذلك التقرير تفاصيل مواصفات فتى أحلام هدى المفتي

هدى المفتي: بيفرقلي أخلاقيات الشخص وروحه

قالت هدى المفتي، ردا على سؤال الإعلامية منى الشاذلي عن مواصفات فتى أحلامها: “أنا مش بيفرق معايا المواصفات ولكن اللي يفرقلي صفات، الشكل من برة مش ببص عليه نهائي، يعني أخر حاجة ممكن أفكر فيها شكله وطريقة لبسه”.

وأكدت: “بيفرقلي أخلاقيات الإنسان وروحه، وأنا رومانسية أوفر فممكن أتغاضى عن عيوب شخص لمجرد إني بحبه، ومش مؤمنة إني أغير من شخص عشان مش عجبني”.

هدى المفتي: ومبحبش الراجل اللي اي واحدة تعجبه

وتابعت هدى المفتي حديثها، بعدما أكدت على عدم إرتباطها حتى الأن: “في حاجات بالنسبالي لا قاطعة، يعني هو مينفعش يقلل مني ومبحبش الراجل اللي اي واحدة تعجبه ده رعب”.

هدى المفتي تتحدث عن مشاركتها في أفلامها بعيد الأضحى 

وتطرق هدى المفتي بالحديث عن مشاركتها في أفلام عيد الأضحى والتي بدأتها بـ “كيرة والجن”: “مكتب مروان حامد طلب مني أعمل وديشن وطلب مني أطلب حاجات ومكنتش أعرف اني هعمل دور رقاصة، واي حد يتمنى يشتغل مع مروان حامد، فكنت متأكدة اني هطلع حاجة صح جدا”، ثم تابعت حديثها عن المشاركة في فيلم “بحبك”، فقالت: “اللي كلمني كان حد تابع تامر وقالي انه هو عايز يقابلني وروحتله وقعدت معاه واتكملنا في كل حاجة إلا الشغل، بعدها قالي عايزك في دور ياسمين انا كنت حابب اتعرف على الناس بنفسي عشان أعرف أحكم عليه”.

وكشفت هدى المفتي عن مشهد جمعها بـ محمد إمام كانت ترفضه بشده، فقالت: “حبيت الشغل مع محمد إمام جدا، وفي موقف عايزة أحكية هو جه في أخر الفيلم وقال هنغير النهاية وانتو هتنطوا وتنزلي النيل فقولتلهم لا مش هنط، كل الأفكار السودة جتلي وقتها ولا هيجيلك بلهاريسيا، وقعدت أعيط وقولتلهم مستحيل أنزل، بعدها دخل محمد إمام وأفنعني وهو تعب وأنا لا”.