سيدة بمحكمة الأسرة: جوزي ضحك عليا وطلع عاجز جنسيا ومبيعرفش| فيديو

«ممكن الناس تفتكرني قوية من مظهري، بس الحقيقة أنا فرحتي اتكسرت وقلبي دبل، وجوزي ضحك علينا واكتشفت إنه زي إخواتي».. تلك هي كلمات حنان وهى تروي قصتها ومأساتها من أمام محكمة الأسرة لـ تحيا مصر.

النيابة تأمر بحبس قائد السيارة المتسببة في حادث سير وزير التنمية المحلية

مش بخلف..سيدة بمحكمة الأسرة:سرقت طفل من المستشفي وبعد 7 سنين جوزي رفع عليا إنكار نسب

تفاصيل القصة

فتقول حنان، البالغة من العمر 46 سنة:" أنا أتجوزت في شهر أكتوبر 2021، ورفعت طلاق لضرر في شهر يناير 2022، علشان اكتشفت إن الاستاذ عامل إشاعات ومريض بإنه عنده عجز ولا يصلح للجواز قبل الزواج بـ 5 شهور، وعمره 49 سنة".

مريض وعاجز جنسيا 

وتضيف حنان:" طول ما أنت مريض ولا تصلح للجواز رايح تتقدم في بيوت الناس ليه وانا لسه أنسة واتكسرت فرحتي، وحسبي الله ونعم الوكيل فيه، وقالي إنه متجوز قبل كده وعنده عيال، وفي أيام الخطوبة لما كنت بسأله عن عياله بيتهرب مني ولما بطلب منه تصويرهم لرؤيتهم كان بيقولي مبيعرفش يصور ولما بمسك تليفونه بلاقيه مصور نفسه وده دليل إنه بيعرف يصور، وكان بيقولي رايح أفطر مع عيالي ومعايا بنتين وولد ومرة يقول 5 عيال، ولما حصلت المشكلة وسألت جيرانه عن عياله، قالولي إنهم عمرهم ما شافوا له عيال خالص".

رافض يسلمني حقوقي

وتؤكد:" اللى عمله معايا ده معامله وحشة وإذا كان هدومي مش عايز يديهاني وسيبتها في الشقة عنده، وكل ما ابعت حد علشان يجيب هدومي ميرضاش يديهم حاجه ودي بره القايمة ومش راضي يديني حقوقي، وفرحان أووي علشان القاضي حكمله يدفع نص المؤخر علشان أنا لسه بكر، وبيقول كده للناس ده اتحكملها كذا طب ده حلال ولا حرام، وإني بطلب هدومي بحق ربنا ميرضاش يديهاني، ورافعه عليه قضية علشان القايمة وأنا عروسة جديدة كل حاجتي جديدة، فإزاى يرفض يعطيني عفشي، ومغير كالون الشقة قبل الإنفصال ومحتلها بشكل كامل ومش عارفه اعمل أيه معاهن وأنا مش عايزه منه غير حقي بس".

معاش والدي وقف

وتوضح السيدة:" بسبب اللى حصل ده كله معاش والدي وقف اللى كنت باخده من الحكومة، وبجري دلوقتى علشان أرجعه تاني وبيقولولي بعد 3 شهور تعالي تاني أسألي، وهو فضل يتكلم عني ويذم فيا وكشف كل أسراري للناس وأنا مفيش عندي مشكلة زي ما بيقول للناس الكلام ده والعيب فيه هو".

الذهاب لدكتور الذكورة والتناسلية

وتؤكد:" ثالت يوم الصباحية كنا عند دكتور الذكورة والعقم والتناسلية علشان نشوف مشكلته، وهو فرحان إنه بيقول إنه كويس وبيقول خليها تشوف نفسها هو عايز يطلع المشكلة عندي، وقعدنا قعدات كتير معاه والجيران علشان نشوف حل والتراضي في تلك القصة ولكنه عايز ياكل حقي ويديني نص حقوقي، ولما جوز صحبتي قاله إديها حقوقها وأخلص من الموضوع فقاله فيها أيه لو عيشنا أنا وهي كده مع بعض، وهو فيه واحده في حياته تتجوز أول مرة تعيش مع جوزها كده تخدمه بس، وأكل وألبس طب ما أنا عايشة مع إخواتي وعيال إخواتي وهو أنا هعيش مع أخويا، وراح قال لواحده جارتنا بعد ما قالتله ما تشوف الموضوع ده يبني، أنا راجل صحتي على قدي ولو هي عايزه تعيش على كده تعيش ملهاش لازمة المواضيع دي، ودي أول جوازة ليا هعيش دنيتي إزاي".

ضحك عليا أثناء الخطوبة

وتحكى حنان: أنا أتعرفت عليها وهو جارنا في شارعنا، وفضلنا مخطوبين لمدة 4 شهور، وكان إنسان كويس وكان غلبان وطيب، أتاريه زي التعبان جلده ناعم وبيلدع، وأنا عيطت كتير وفرحتي أتكسرت، وأّذاني بعد  زواجنا بإخفائه عليا حقيقة عجزه الجنسي، وللأسف فوجئت بجوزي بيقول للناس حقائق عني وعيوب بجسدي، وأنى أنا المذنب وأنى اللى مبعرفش وهو سليم، وأنا مش قادرة أعيط لأنى دموعي جفت، لإنى قلبي اتكسر من تصرف جوزي، وحسبي الله ونعم الوكيل فيه".