نجلاء بدر تعلن مشاركتها في الجزء الثاني من مسلسل رمضان كريم

أعلنت الفنانة نجلاء بدر، مشاركتها في الجزء الثاني من مسلسل رمضان كريم المقرر أن يُعرض في الماراثون الرمضاني 2023.

تحيا مصر يرصد انضمام نجلاء بدر للجزء الثاني من رمضان كريم

نجلاء بدر في رمضان كريم 2

ونشرت نجلاء بدر، صورة جمعتها بالمنتج أحمد السبكي، وذلك عبر حسابها الشخصي بموقع التواصل الاجتماعي فيسبوك، وعلقت عليها قائلة: وأخيرًا أحلى خبر السنة دي.

رسالة نجلاء بدر لجمهورها

من جانبه، وجهت الفنانة نجلاء بدر رسالة إلى الجمهور تكشف خلالها الفرق بين دور الدولة ودور الأسرة في تربية الأبناء، حسب وجهة نظرها.

وقالت «بدر» خلال منشور كتبته عبر حسابها على «فيسبوك»: «سبق وقلت فيه ناس كتير مش عارفة الفرق بين الفن والإعلام، والنهارده بقول إن في ناس مش عارفة تفرق بين دور الدولة ودور الأسرة.. الدولة مش دورها تربي عيالك.. لكن هاتعاقب على عواقب سوء تربيتك لعيالك».

وأضافت: «الدولة بتسن القوانين علشان تعاقب أفعال وعواقب (سوء تربية حضرتك)، لكن مش علشان تربي أولاد حضرتك.. لأن مش دور أي دولة إنها تربي عيالك.. أومال حضراتكم بتعملوا إيه أو لزمتكم إيه وخلفتوا عيال ليه؟».

وتابعت: «ياريت تربوا أولادكم بدل ما تطلبوا من الدولة تسن قوانين تربي عيالكم، وبما إن كل بيت وله عاداته وتقاليده وقناعاته، فكل أسرة تلتزم بيها ودون التعدي على الآخر.. لكن الدولة مش هاتطلع قانون لكل أسرة وبيت وحى ونجع وقرية ومحافظة.. ما نذاكر ونقرأ بقى ونفهم ونبطل عبث».

وأشارت إلى أن: «من أعجب التعليقات اللي صدرت مؤخرا بعد تعديل طريق الساحل الشمالي. اعتراض الناس على السرعة ٨٠ كم على طريق مازال تحت الإنشاء والتمهيد.. فلازم الدولة تعمل حساب ابنك اللي بيجري على ١٩٠ كم أو أكتر مش كده؟ ومش هاتكلم في الباقي.. مش ده كان اسمه طريق الموت ولا انتوا لحقتوا تنسوا أصحابكم وأخواتكم وأهاليكم اللي ماتوا في حوادث الطريق ده بالتحديد؟».

وواصلت: «ومن ضمن التعليقات البايخة.. الدولة لازم تسن قوانين إن البنات والولاد ما يخرجوش بملابس البحر في الشوارع.. طب ماما وبابا كانوا فين وهما خارجين بالمايوهات في الشوارع؟ هما ولادكم كانوا خارجين بالمايوهات من باب البيت ولا من باب الدولة؟».