لقاء الخميسي تتحدث عن تجربتها مع التنمر.. وتوجه نصيحة للمتنمر بهم

ظهرت الفنانة لقاء الخميسي منذ ساعات قليلة في بث مباشر عبر حسابها الشخصي على موقع تبادل الصور والفيديوهات “إنستجرام”، تحدثت فيه عن تجربتها مع التنمر في فترة مراهقتها، وحرصت على توجيه عدة نصائح لكل من المتنمر والمتنمر به.

تحيا مصر يرصد أبرز تصريحات لقاء الخميسي عن التنمر

حيث كشفت لقاء عن تعرضها للتنمر في المدرسة بسبب وزنها الزائد، وقالت: “أنا كنت في الإعدادية بنوتة مقلبظة جدًا في مرحلة المراهقة، بالرغم من أني كنت بلعب رياضة، وكنت بلعب باتيناج واسكواش وتنس، والتخن اللي كنت فيه كان بسبب الهرمونات والتحول من طفلة الى مراهقة”.

وتابعت قائلة: “وساعات كتير أوي مكنتش مبسوطة بنفسي وبحس أني مهزوزة ومش واثقة في نفسي وخصوصًا أن فيه ناس كتير من صحابي في المدرسة كانوا بيهزروا معايا بطريقة مش ألطف حاجة، زي ايه دا دا انتي تخنتي كدا ليه، وأكيد هما مكنش قصدهم”.

كيف تغلبت لقاء الخميسي على التنمر؟

وأوضحت لقاء أن والدتها هي من كانت السبب وراء تغلبها على التنمر، حيث قالت: “وأنا كنت متصالحة مع نفسي جدًا علشان أمي كل يوم الصبح وأنا لابسة لبس المدرسة وتخينة كانت بتقولي أنتي قمر في سماه أنتي أميرة جميلة، وكل البنات اللي ربنا خلقهم أميرات جميلات، كل واحدة على حسب شكلها وجمالها وسحرها، ربنا خلقنا مختلفين ومن الاختلاف بيظهر الجمال”.

نصيحة لقاء الخميسي للمتنمر به

وفي نهاية البث حرصت لقاء الخميسي على توجيه نصائح للمتنمر به، حيث قالت: “أي حد بيتريق أو بيقول كلام مش كويس بيصعب عليا، علشان أنا ببقى متأكدة أنه جواه وجع ما بيحاول يخرجه نتيجة كلمة اتقالت له وهو صغير من أهله أو صحابه وجعته أوي أوي مش عارف يتخلص منها فبيطلعها على الاخر”.

وأضافت قائلة: “وعشان الكلام ميأثرش فينا لازم يكون عندنا ثقة في النفس، وهتيجي من حبك لنفسك، ربنا خلقنا عشان بيحبنا عشان أنت رسول ربنا على الارض، ربنا بيحبك جدًا زي ما أنت، قصير طويل تخين رفيع، وعشان أنت ترد الحب لربنا لازم تحب نفسك”.