تفاصيل رؤى رشوان توفيق لـ العندليب ومحمود ياسين والرئيس السادات والجمهور: انت ازاي كده؟

حكى الفنان القدير رشوان توفيق عن أسرار تلاقيه بالأرواح، خلال لقائه ببرنامج الستات أمس، واستشهد ببعض الرؤى وكانت أولهم لعبد الحليم حافظ، قائلًا “لقيت العندليب بيقولي لا يا أستاذ توفيق لا”.

تحيا مصر يرصد لكم تفاصيل رؤى الفنان رشوان توفيق 

رؤيا رشوان توفيق لـ محمود ياسين 

وتابع رشوان قائلًا: الرؤيا الثالثة محمود ياسين كنت في العزاء بتاعه وبعدين شوفت رؤيا بالليل وهو لابس جاكيت أبيض وفى عز شبابه ووسامته في محطة ريفية ناخد بعض بالحضن كلمت عمرو ابنه قلتله قول لماما انا شوفت محمود في رؤيا ومشوفتوش في حياتي لابس الجاكيت الأبيض ده، شاءت الظروف وأنا بقلب في قناة لقيت محمود ياسين بالبدلة اللى انا شوفته بيها.

وأضاف رشوان توفيق: كلمت عمرو الليثي علشان يبلغ جيهان السادات بالرؤية قالى كلمها على التليفون الأرضى كلمتها وعرفتها بنفسى وحكتلها الرؤيا وقلتلها إن المهندس حسب الله الكفراوي قال إنه شهيد.. قالتلي أتارى حسب الله بقاله مدة مشافنيش ولما شافنى قالى عاوز أكلمك في حاجة.

رؤيا رشوان توفيق لـ أنور السادات

واستكمل كلامه: الرئيس الراحل أنور السادات شوفت بنته تتحدث في التليفزيون بتقول عايشة بمعاش بابا وقفت في الشقة وقرأت الفاتحة للرئيس الراحل..وأنا بصلى قبل الفجر عنيا غفلت لقيت إيده اتحطت على إيدى الشمال رفعت عيني لقيت الرئيس السادات لابس بدلة التشريفة اللبني وصرخ وقال «لا اله الا الله» وكررها مرة أخرى.. رديت وقلت: «محمد رسول الله» بعد كده الايد اتسحبت من على كتفى الشمال.. واتكلمت  مع الراحل حسب الله الكفراوي وقالى ده شهيد.

شوان توفيق وقصة حبه مع زوجته 

- أميمة تسكن بداخلي

- كنت بعملها الفطار الصبح يوميًا علشان تصحى قبلي تلاقي كل حاجة محطوطة جنبها

- أتجوزتها وإحنا صغيرين وأنا طالب في الجامعة

- كنت بشوفها لما بتيجي لأختها لأن أختها كانت جارتنا

- لما كنت بشوفها في الأسانسير وأسلم عليها ما تردش عليا

- أصريت اتجوزها بعدما ما عرفت إنها قالت “أنا أتجوز واحد أكافح معاه كل ما ننجح نفرح”

- الجملة أثرتني وحددت معالم شخصيتها أنها شخصية مكافحة وبعد ما تزوجنا وقفت معايا